ટાયર ટ્યુબ ભરવા ગયો ત્યારે ઓરિસ્સાથી લાવ્યો’તો
ખાસ-ખબર ન્યૂઝ રાજકોટ, તા.19
- Advertisement -
રાજકોટ જિલ્લામાં લોકસભા ચૂંટણી અંતર્ગત સઘન પેટ્રોલિંગ કરવાની સૂચના અન્વયે ગ્રામ્ય એસઓજીની ટીમે બાતમી આધારે ગોંડલમાં દરોડો પાડી ટ્રક ડ્રાયવરને સાડા પાંચ કિલો ગાંજા સાથે દબોચી લીધો હતો પ્રાથમિક પૂછતાછમાં ઓરિસ્સાથી લાવ્યો હોવાની કબૂલાત આપી હતી. રાજકોટ રૂરલ એસઓજી પીઆઈ પારગીના માર્ગદર્શન હેઠળ પીએસઆઇ ભાનુભાઇ મિયાત્રા સહિતનો સ્ટાફ લોકસભા ચૂંટણી અંતર્ગત પેટ્રોલિંગમાં હતો
ત્યારે સ્ટાફને મળેલી ચોક્કસ બાતમી આધારે ગોંડલ વોરાકોટડા રોડ ઉપર હુડકો સોસાયટીમાં રહેતા અકરમ રફીક રાઠોડ ઉ.33ના ઘરમાં દરોડો પાડ્યો હતો દરોડા દરમિયાન ઘરમાંથી સાડા પાંચ કિલો ગાંજો મળી આવતા તેના વિરુધ્ધ એનડીપીએસ એક્ટ હેઠળ ગુનો નોંધી ધરપકડ કરી હતી પ્રાથમિક પૂછતાછમાં પોતે ટ્રક ડ્રાયવર હોય તે છાપરા પાસે આવેલી કોઈ કંપની માટે જૂની ટાયર ટ્યુબ ભરવા ટ્રક લઈ ઓરિસ્સાના કટક ગામે ગયો હતો અને ત્યાંથી રિટર્નમાં ગાંજો લાવ્યો હોવાની કબૂલાત આપી છે.
