વાંકાનેરના થાન રોડ પર આવેલી બંધ દુકાનને નિશાન બનાવતાં તસ્કરો

દુકાનની દીવાલમાં બાકોરૂં પાડી તસ્કરો 1000 કિલો સાબુ તથા વજનકાંટો ચોરી ગયા !
ખાસ-ખબર સંવાદદાતા
વાંકાનેર તાલુકાના થાન રોડ પર જાલી ગામના બસ સ્ટેન્ડ નજીક આવેલ એક કોમ્પલેક્ષમાં તસ્કરો ત્રાટક્યા હતા, જેમાં દુકાનની દિવાલમાં બાકોરૂ પાડી તસ્કરો સાબુના ગોડાઉનમાંથી 1000 કિલોગ સાબુ અને વજન કાંટો ચોરી કરી જતાં બાબતે પોલીસ ફરિયાદ નોંધાઇ છે. બનાવની પ્રાપ્ત વિગતો મુજબ વાંકાનેરના થાન રોડ ઉપર જાલી ગામના બસ સ્ટેન્ડ નજીક નવા કોમ્પલેક્ષમાં ફરિયાદી સુરેશભાઈ કાળુભાઇ રાઠોડનું સાબુનું ગોડાઉન આવેલ હોય જેમાં અજાણ્યા તસ્કરોએ તરખાટ મચાવતાં દુકાનની દિવાલમાં બાકોરૂ પાડી તેમાંથી 1000 કિલો સાબુ(કિંમત રૂ. 18,880)નો જથ્થો અને એક વજનકાંટા સહિત કુલ રૂ. 34,880ના મુદ્દામાલની ચોરી કરી જતાં બાબતે વાંકનેર સીટી પોલીસે અજાણ્યા તસ્કરો વિરૂદ્ધ આઇપીસી કલમ 454, 457, 380, 427 મુજબ ગુનો નોંધી બનાવની વધુ તપાસ શરૂ કરી છે.