મેયર ડૉ.પ્રદિપ ડવ એક યાદીમાં જણાવે છે કે, રાજકોટ મહાનગરપાલિકા દ્વારા ફરજીયાત સિટી બસની સેવા ન હોવા છતાં શહેરના નગરજનોની સુખાકારી માટે અને માસ ટ્રાન્સપોર્ટેશનનો ઉપયોગ થાય તેવા હેતુથી સિટી બસ સર્વિસ સેવા ૨૦૧૩માં ચાલુ કરવામાં આવેલ. આ ઉપરાંત ૧૫૦ ફૂટ રીંગ રોડ પર ફ્લાઈ ઓવરબ્રિજ અને બી.આર.ટી.એસ. નિર્માણ થતા તા.૦૧/૧૦/૨૦૧૨થી બી.આર.ટી.એસ. પર બસ ચલાવવાનું શરૂ કરવામાં આવેલ. રાજકોટ મહાનગરપાલિકા સિટી બસ સેવા માટે ૯૦ સિટી બસ તેમજ ૧૦ બસ બી.આર.ટી.એસ. રૂટ પર ચલાવવામાં આવે છે. હાલમાં, કોરોના મહામારીના કારણે તેમજ સરકારશ્રીની ગાઈડલાઈન અનુસાર ૪૨ સિટી બસ અને ૮ બી.આર.ટી.એસ. બસ ચલાવવામાં આવી રહી છે.
વિશેષમાં, સિટી બસના કારણે થતું પ્રદુષણ ઘટાડવાના પ્રયત્નોના ભાગરૂપે સૌ પ્રથમ જાહેર પરિવહન સેવામાં એટલે કે, બી.આર.ટી.એસ. તથા સિટી બસ સેવામાં ૫૦ મીની કુલિંગ એ.સી. ઈલેક્ટ્રીક બસ “ગ્રોસકોસ્ટ મોડેલ” થી PMI ઈલેક્ટ્રોનિક મોબિલીટી સોલ્યુસન પ્રા.લિ. દિલ્હી પાસેથી ખરીદવાનું મંજુર કરવામાં આવેલ છે. જેના અનુસંધાને હાલમાં, ૧ ઈલેક્ટ્રીક બસ ટ્રાયલ ઝોન માટે આવેલ છે અને હાલમાં ટ્રાયલ ઝોનની પ્રકિયા હાથ ધરવામાં આવેલ છે. ઇલેકટ્રીક બસની ટેસ્ટિંગ બાદ અને કેન્દ્ર સરકારની ટેસ્ટિંગ સર્ટિફિકેટ આવ્યા બાદ ઈલેક્ટ્રીક બસ શહેરમાં ચલાવવામાં આવશે. આગામી થોડા સમય બાદ ૩૫ ઈલેક્ટ્રીક બસ રાજકોટ મહાનગરપાલિકાને મળી જશે. ઈલેક્ટ્રીક બસના ચાર્જીંગ માટે રાજકોટ મહાનગરપાલિકા દ્વારા ૮૦ ફૂટ રોડ પર ચાર્જીંગ પોઈન્ટની કામગરી ચાલુ છે જે ટૂંક સમયમાં પૂર્ણ થઇ જશે.
- Advertisement -
ઈલેક્ટ્રીક બસમાં ૨૪+૩=૨૭ સીટિંગની સુવિધા હશે. આ ઉપરાંત રાજકોટ શહેરમાં જુદી જુદી જગ્યાએ ૪૦ સ્માર્ટ સિટી બસ સ્ટોપ બનાવવાનું આયોજન છે. જેમાં ૨૦ બસ સ્ટોપની કામગીરી પૂર્ણ થયેલ છે અને ૨૦ બસ સ્ટોપ અગામી ૩૦ જુન સુધીમાં પૂર્ણ થઇ જશે. હૈયાત જુના ૭૪ બસ સ્ટોપમાં જે બસ સ્ટોપને રીનોવેશન કરવાની જરૂર જણાશે તે બસ સ્ટોપનું રીનોવેશન કરાશે અને બસના ટાઈમ ટેબલ ખરાબ થઈ ગયા ત્યાં ફરીથી નવા ટાઈમ ટેબલ લગાડવા કાર્યવાહી હાથ ધરાશે.
સ્માર્ટ સિટી બસ સ્ટોપમાં આપવામાં આવનાર સુવિધા
v આકર્ષક તથા સ્માર્ટ ડિઝાઈન (Smart bus stop 15’ feet* 5’ feet)
- Advertisement -
v સંપૂર્ણ બસ સ્ટોપ s.s. (સ્ટેનલેસ સ્ટીલ)માંથી બનાવવામાં આવેલ છે.
v મુસાફરો માટે આરામદાયક બેઠક વ્યવસ્થા, તેમજ મહિલા, દિવ્યાંગ અને સિનિયર સીટીઝન માટે અલાયદી બેઠક વ્યવસ્થા.
v મુસાફરોની સલામતી માટે ૨૪ કલાક CCTV કેમેરા સર્વેલન્સ સિસ્ટમ.
v દીવ્યાંગો અને વૃદ્ધોને ચડવા માટે અલાદાય રેમ્પની સુવિધા
v મુસાફરોની હાજરી પ્રમાણે ચાલુંબધ થતી સેન્સર બેઇઝ સ્માર્ટ લાઈટીંગ
v USB મોબાઈલ ચાર્જીંગ પોઈન્ટની સુવિધા
v બસ સ્ટોપ પર ૩ (ત્રણ) જગ્યા પર આકર્ષક જાહેરાત મુકવા માટેની સુવિધા ઉપલબ્ધ કરાવવામાં આવેલ છે.
સ્માર્ટ સિટી બસ સ્ટોપની કામગીરી પૂર્ણ થાય બાદ બસ સ્ટોપ પર જાહેરાત માટેની ટેન્ડર પ્રકિયા કરી એજન્સીઓને જાહેરાતના રાઈટ આપવામાં આવશે. જેનાથી રાજકોટ મહાનગરપાલિકાને આવક થશે.
ઓક્ટોબર ૨૦૧૨થી ૩૦ મે ૨૦૨૧ દરમ્યાન ૧,૯૩,૭૫,૮૦૮ પેસેન્જરોએ બી.આર.ટી.એસ. રૂટ ઉપર લાભ લીધેલ છે. જયારે શહેરમાં જુદા જુદા રૂટ પર ચાલી રહેલ સિટી બસમાં ઓક્ટોબર ૨૦૧૩ થી ૩૦ મે ૨૦૨૧ સુધીમાં ૬,૧૯,૬૭,૦૫૯ પેસેન્જરોએ લાભ લીધેલ છે. શહેરના વધુ ને વધુ લોકો માસ ટ્રાન્સપોર્ટેશનનો લાભ લેશે તો પોતાના પ્રાઇવેટ વાહનનો પેટ્રોલનો બચાવ થશે તેમજ ટ્રાફિકની સમસ્યા ઓછી થશે અને શહેરમાં પ્રદુષણ ઓછું ફેલાશે જેથી શહેરીજનોએ સિટી બસ સેવાનો વધુ ને વધુ લાભ લેવા મેયરશ્રીએ અનુરોધ કરેલ છે.
