ઊનામાં ગેરકાયદે ઇ-સિગારેટના મુદ્દામાલ સાથે દુકાનદારની ધરપકડ

ખાસ-ખબર સંવાદદાતા
ગિર-સોમનાથ એસઓજી પીઆઇ એ.બી.જાડેજાને મળેલી બાતમીના આધારે ઊના શહેરનાં વેલકમ કાપડની દુકાનમાં ઇ-સીગારેટનો જથ્થા સાથે એક ઇસમની ધરપકડ કરી ઊના પોલીસમાં ગુનો નોંધી વધુ તપાસ હાથ ધરી છે. પોલીસમાંથી મળતી વિગત મુજબ એસઓજી પોલીસ ઊના શહેરમાં પેટ્રોલીંગ દરમિયાન ઊના શહેરનાં કુચ-કુચ ફળીયામાં આવેલ વેલકમ ફેશન નામની કાપડની દુકાનમાં રેઇડ કરી હતી. ત્યારે હેલ્થ વોર્નીગ વિનાની ઇ-સીગારેટની અલગ-અલગ બ્રાન્ડની સીગારેટ સાથે આરોપી અકરમ હનીફભાઇ શેખ રહે.ઊના વાળાની રૂા.20505ના મુદ્દામાલ સાથે ઝડપી પાડવામાં આવેલ.