હિંડનબર્ગે કહ્યું- સ્પષ્ટ છે કે તેમનું વિદેશી ફંડમાં રોકાણ, અદાણીના ભાઈએ આના દ્વારા શેરના ભાવ વધાર્યા
ખાસ-ખબર ન્યૂઝ નવી દિલ્હી, તા.12
- Advertisement -
અમેરિકન શોર્ટ સેલર હિંડનબર્ગે જણાવ્યું હતું કે અમારા રિપોર્ટનો જવાબ આપતાં જઊઇઈંના ચેરપર્સન માધબી બુચે ઘણી બાબતોનો સ્વીકાર કર્યો છે, જેનાથી ઘણા નવા પ્રશ્ર્નો ઉભા થયા છે. હિંડનબર્ગે કહ્યું- બૂચનો જવાબ પુષ્ટિ કરે છે કે તેમનું રોકાણ બર્મુડા/મોરેશિયસ ફંડ્સમાં હતું. આ એ જ ફંડ છે જેનો ઉપયોગ ગૌતમ અદાણીના ભાઈ વિનોદ અદાણીએ કર્યો હતો. આરોપ છે કે વિનોદ અદાણી આ ફંડ્સ દ્વારા તેમના જૂથના શેરની કિંમતમાં વધારો કરતા હતા. હિંડનબર્ગ રિસર્ચએ એમ પણ જણાવ્યું હતું કે માર્કેટ રેગ્યુલેટર જઊઇઈંને અદાણી કેસ સંબંધિત એ જ ઓફશોર ફંડ્સની તપાસ કરવાનું કામ સોંપવામાં આવ્યું હતું, જેમાં માધબી પુરી બુચ વતી રોકાણ કરવામાં આવ્યું હતું. આ સ્પષ્ટપણે હિતોના ટકરાવનો એક મોટો કેસ છે. હિંડનબર્ગે શનિવારે પ્રકાશિત તેના અહેવાલમાં દાવો કર્યો હતો કે માધબી પુરી બુચ અને તેમના પતિ ધવલ બુચનો અદાણી ગ્રુપ સાથે જોડાયેલી ઑફશોર કંપનીમાં હિસ્સો છે.
સેબી ચેરપર્સનના જવાબ બાદ હિંડનબર્ગના નવા સવાલ
બુચના જણાવ્યા મુજબ તેણીએ 2017માં સેબીમાં નિમણૂક થતાંની સાથે જ બંને ક્ધસલ્ટિંગ કંપનીઓ (એક ભારતીય એકમ અને એક સિંગાપોરનું એકમ) છોડી દીધી હતી, પરંતુ માર્ચ 2024 સુધીનું શેરહોલ્ડિંગ દર્શાવે છે કે માધબી પાસે અગોરા એડવાઇઝરી (ભારત)માં 99% હિસ્સો છે.
બુચ 16 માર્ચ, 2022 સુધી અગોરા પાર્ટનર્સ સિંગાપોરના 100% શેરહોલ્ડર રહ્યા અને સેબીના સભ્ય તરીકેના તેમના કાર્યકાળ દરમિયાન તેના માલિક રહ્યા. સેબીના અધ્યક્ષ તરીકે તેમની નિમણૂકના બે અઠવાડિયા પછી, તેણીએ તેમના શેર તેમના પતિને ટ્રાન્સફર કર્યા.
બૂચે જે સિંગાપોર ક્ધસલ્ટિંગ યુનિટની સ્થાપના કરી હતી તે તેના નાણાકીય અહેવાલો, જેમ કે આવક અથવા નફાની સાર્વજનિક રીતે જાણ કરતું નથી, તેથી તે જોવાનું અશક્ય છે કે સેબીમાં તેમના કાર્યકાળ દરમિયાન યુનિટે કેટલા નાણાં કમાયા છે.
નાણાકીય નિવેદન અનુસાર, અગોરા એડવાઇઝરી ઇન્ડિયા જેમાં માધબી 99% હિસ્સો ધરાવે છે, તેણે નાણાકીય વર્ષ (2022, 2023 અને 2024) દરમિયાન રૂ. 2.39 કરોડની આવક ઊભી કરી. આ આવક માધબીના અધ્યક્ષ તરીકેના કાર્યકાળ દરમિયાન જનરેટ કરવામાં આવી છે. સેબીના સભ્ય તરીકે ફરજ બજાવતા બૂચે તેમના પતિના નામનો ઉપયોગ કરીને વ્યવસાય કરવા માટે તેમના અંગત ઈમેલનો ઉપયોગ કર્યો હતો. સવાલ એ ઊભો થાય છે કે સેબીના ચેરપર્સન હોદ્દા પર હતા ત્યારે તેમના પતિના નામે કયા રોકાણ અને વ્યવસાયો કર્યા હતા?
