રાજકોટમાં કારખાનાની મજૂરી સાથે ગાંજો વેચવાના કૌભાંડનો પર્દાફાશ

• બિહારના ત્રણ શખ્સોને 86 હજારના ગાંજા સાથે ઝડપી લેતી ભક્તિનગર પોલીસ

ખાસ-ખબર સંવાદદાતા
શહેરમાં માદક પદાર્થક્ષશ હેરાફેરી ઉપર ખાસ વોચ રાખવાની સૂચના અન્વયે ભક્તિનગર પોલીસે બાતમી આધારે કોઠારીયા કોલોનીમાં દરોડો પાડી ત્રણ શખ્સોને 86 હજારના ગાંજા સાથે ઝડપી લઈ ધોરણસરની કાર્યવાહી હાથ ધરી છે.
માદક પદાર્થોના કેસ કરવા ભક્તિનગર પોલીસ મથકના પીઆઇ સરવૈયા સહિતનો સ્ટાફ પેટ્રોલિંગમાં હતો ત્યારે સ્ટાફને બાતમી મળી હતી કે 80 ફૂટ રોડ પર કોઠારીયા કોલોનીના કવાર્ટરમાં ભાડાની ઓરડીમાં રહેતા બિહારના કિશનપુર અમખોરીયાનો નીરજકુમાર સીલધન સાહુ તેમજ સુમનકુમારસીંગ નીત્યાનંદસીંગ કુસવા, બાસુકીકુમાર ઉચીતસાહની અટકાયત કરી તેની પાસેથી મોબાઈલ, 8 કિલો 600 ગ્રામ ગાંજો, વજનકાંટો સહિત 1 લાખ 30 હજારનો મત્તા કબજે કરી વિશેષ પૂછપરછ હાથ ધરી હતી પોલીસની પૂછપરછમાં મૂળ બિહારના ત્રણેય શખસો છેલ્લા 11 વર્ષથી રાજકોટ આવી કારખાનામાં મજૂરી કામ કરતા હોવાનું અને કોઠારીયા કોલોનીમાં કવાર્ટર ભાડે રાખી રહેતા હોવાનું તેમજ છેલ્લા કેટલાક સમયથી પૈસા કમાવવાની લાલચે બિહારથી ગાંજો મંગાવી વેપલો શરૂ કર્યો હોવાનું રટણ કરતા પોલીસે ત્રણેના રિમાન્ડ મેળવવા તજવીજ હાથ ધરી છે