સરગમ ક્લબ દ્વારા રામમંદિરની પ્રાણ પ્રતિષ્ઠા મહોત્સવનું લાઈવ પ્રસારણ કરાયું

રામ જન્મભૂમિ અયોધ્યા ખાતે નિર્માણ પામેલા રામમંદિરની પુન: પ્રાણપ્રતિષ્ઠા મહોત્સવનું આજરોજ સરગમ ક્લબ દ્વારા જાગનાથ મંદિર પાસે એલઈડી સ્ક્રીન પર લાઈવ પ્રસારણ કરવામાં આવ્યું હતું. 500થી વધુ શહેરીજનોએ રામલલ્લાની પ્રાણપ્રતિષ્ઠા મહોત્સવને નિહાળ્યો હતો. આ તકે પૂર્વગવર્નર વજુભાઈ વાળા, બાન લેબના મૌલેશ ઉકાણી, ડો. વલ્લભભાઈ કથિરીયા અને સરગમ ક્લબના ગુણવંતભાઈ ડેલાવાળા સહિતના મહાનુભાવોએ હાજર રહી પ્રાણપ્રતિષ્ઠા મહોત્સવને નિહાળ્યો હતો.