‘હુમલો કરવા તૈયાર’: તણાવ વધતાં બલૂચ બળવાખોરોએ પાકિસ્તાનમાં 51 સ્થળોએ હુમલો કર્યો

BLA એ કહ્યું “અમે એ ધારણાને સખત રીતે નકારી કાઢીએ છીએ કે બલોચ રાષ્ટ્રીય પ્રતિકાર કોઈપણ રાજ્ય અથવા શક્તિનું પ્રતિનિધિ છે. BLA ન તો પ્યાદુ છે કે ન તો મૂક પ્રેક્ષક છે. આ પ્રદેશના વર્તમાન અને ભવિષ્યના લશ્કરી, રાજકીય અને વ્યૂહાત્મક બંધારણોમાં અમારું યોગ્ય સ્થાન છે અને અમે અમારી ભૂમિકાથી સંપૂર્ણપણે જાણકાર છીએ.”

બલોચ લિબ્રેશન પાર્ટીએ પાકિસ્તાન પર આકરા પ્રહારો કર્યા અને તેના પર આતંકવાદને પ્રોત્સાહન આપતી વખતે ભ્રામક શાંતિના ભાષણનો ઉપયોગ કરવાનો આરોપ મૂક્યો. ભારતને સીધા સંબોધતા BLA એ કહ્યું “પાકિસ્તાન તરફથી શાંતિ, યુદ્ધવિરામ અને ભાઈચારાની બધી વાતો ફક્ત એક બકવાસ, યુદ્ધ વ્યૂહરચના અને કામચલાઉ ચાલાકી છે.”

51 થી વધુ સ્થળો પર હુમલો

તેમના ટાર્ગેટમાં લશ્કરી કાફલા, ગુપ્તચર કેન્દ્રો અને ખનિજ પરિવહન વાહનોનો સમાવેશ થતો હતો. બલોચે કહ્યું “આ હુમલાઓનો ઉદ્દેશ્ય ફક્ત દુશ્મનનો નાશ કરવાનો જ નહોતો, પરંતુ આવનારા સમયમાં વધુ મજબૂત યુદ્ધની તૈયારીઓને મજબૂત બનાવવા માટે સેનાની તૈયારી, ભૂમિ નિયંત્રણ અને સંરક્ષણ પરિસ્થિતિનું પરીક્ષણ કરવાનો પણ હતો.”

પાક. આતંકવાદીઓનું ઉછેર કેન્દ્ર- BLA

BLA એ પાકિસ્તાની સેના અને ગુપ્તચર એજન્સી ISI ને પણ દોષી ઠેરવ્યા અને તેને આતંકવાદને પ્રોત્સાહન આપતું સ્થળ ગણાવ્યું. “પાકિસ્તાન ફક્ત વૈશ્વિક આતંકવાદીઓ માટે ઉછેરનું કેન્દ્ર રહ્યું નથી. પરંતુ લશ્કર-એ-તૈયબા, જૈશ-એ-મોહમ્મદ અને ISIS જેવા ઘાતક આતંકવાદી જૂથોના રાજ્ય-પ્રાયોજિત વિકાસનું કેન્દ્ર પણ રહ્યું છે. આ આતંકવાદ પાછળ ISI નેટવર્ક છે. પાકિસ્તાન હિંસક વિચારધારા ધરાવતું પરમાણુ રાજ્ય બની ગયું છે”