…તો બેટ-દ્વારકા પર દરિયાનું પાણી ફરી વળશે

બેટ દ્વારકામાં અને પંચ કુઈ વિસ્તારમાં બેફામ રેતી ચોરી

બેફામ રેતી ચોરીનો બોલતો પુરાવો

બુધાભા ભાટી દ્વારા બેટ-દ્વારકાથી…
ભગવાન શ્રી કૃષ્ણે જ્યાં રાજ કર્યું જ્યાં અંતિમ દિવસો વીતાવ્યા તે દ્વારકા નગરી લાખો શ્રદ્ધાળુંઓની આસ્થાનું કેન્દ્ર છે. ઉલ્લેખનીય છે કે, તંત્ર દ્વારા રેતી ઉપાડવાનું કાર્ય બંધ કરાવવામાં આવ્યું છે. પરંતુ આ છતાં પણ ઊંટગાડી દ્વારા રોજ મોટા પ્રમાણમાં રેતીની ખનીજ ચોરી થઈ રહી છે. અને આ ખનીજચોરીથી સરકારને તો નુકસાન થઈ રહ્યું છે સાથે હિન્દુ ધર્મના આસ્થા સમાન બેટ દ્વારકા પણ જમીનમાં ગરકાવ થતી હોવાનું સામે આવ્યું છે. જેને લઈને સમુદ્ર આગળની તરફ વધી રહ્યો છે. એક તરફ સમુદ્ર આગળ વધે છે તો બીજી તરફ રેત માફીયાઓ દ્વારા રેતી ચોરી થવાથી બેટ માટે ભવિષ્યમાં ખતરો ઉભો થાય તે પહેલા જવાબદાર તંત્રએ કુંભકર્ણની નિંદ્રામાંથી ઉઠવું પડશે.

લાખો શ્રધ્ધાળુઓનાં આસ્થાનાં કેન્દ્ર તીર્થ સ્થાન બેટ-દ્વારકાનાં ઉતર દિશા અને ઈશાન કોણ તરફ સમુદ્ર જમીન ગળી રહ્યુ છે. સિગ્નેચર બ્રિજ બનવાથી બેટ-દ્વારકા જમીન માર્ગથી જોડાઈ જવાનાં સમાચારથી રાતો રાત જમીનોનાં ભાવ આસમાને છે અને બાંધકામો વધવાથી રેતી ચોરીનું દુષણ ખુબ વધ્યું છે. એક તરફ સમુદ્ર આગળ વધે છે તો બીજી તરફ રેત માફીયાઓ દ્વારા રેતી ચોરી થવાથી બેટ માટે ભવિષ્યમાં ખતરો ઉભો થાય તે પહેલા જવાબદાર તંત્રએ કુંભકર્ણની નિંદ્રામાંથી ઉઠવું પડશે. તાળ કાંઢા ઉપર ગાંડા બાવળનાં થળીયે સમુદ્રના પાણી ફરી વળતા બાવળોનાં થળ અને તેની પાળો સ્પષ્ટ દેખાઈ રહી છે.

ઉત્તર દિશા અને ઈશાન કોણ તરફથી સમુદ્રને જમીન તરફ આગળ વધતો અટકાવવા સંરક્ષણ દિવાલ બનાવવી જરૂરી

રેત માફીયાઓ દ્વારા રેતી ચોરી થવાથી બેટ માટે ભવિષ્યમાં ખતરો ઉભો થાય તે પહેલા જવાબદાર તંત્રએ કુંભકર્ણની નિંદ્રામાંથી ઉઠવું પડશે

તાળકાંઢા ઉપર બાવળનાં થળિયે સમુદ્રના પાણી પહોંચ્યા

પદ્મતીર્થ પાસે 20 વર્ષ પહેલા જે પાંચ કુવા હતા તે આજે સમુદ્રમાં ગરક થઈ ચૂકયા છે. સમુદ્રને જમીન તરફ આગળ વધતો અટકાવવા કિનારે સંરક્ષણ દિવાલ (પ્રોટેકશન વોલ) બનાવવી જરૂરી છે. બેટ-દ્વારકાની જમીન ઉપર ધીમી ગતિએ સમુદ્ર આગળ વધવાની ઘટનાને કુદરતી માની શકાય.પરંતુ માનવીય ભૂલો એટલે કે રેત માફીયાઓ બેટ માટે ખતરારૂપ છે. બેટને જમીન માર્ગે જોડાઈ જવાથી યાત્રિકો પોતાના વાહનો લઈને બેટ-દ્વારકા આવી શકશે.જે બેટ-દ્વારકામાં જમીનો, ખેતર કે પ્લોટને કોઈ લેવા તૈયાર ન હતું ત્યાં રાતો રાત જમીનોના ભાવ આસમાને પહોંચી ગયા છે. હાલ છેલ્લા 2-3 વર્ષથી બેટમાં મોટા પ્રમાણમાં રહેણાંક, વાણિજય અને ધાર્મિક બાંધકામો મોટા પ્રમાણમાં થઈ રહ્યા છે. આ બાંધકામોમાં રોયલ્ટી ભરેલી નદીની મીઠી રેતી બોટમાં બેટ લઈ જવી મોંઘી પડતી હોવાથી મોટા પ્રમાણમાં સમુદ્રની રેતીનો ખુલ્લેઆમ ઉપયોગ થઈ રહ્યો છે. આ રેતી ચોરી બેટમાં જે સરકારી જવાબદાર તંત્ર છે.

રેતી માફિયા પર કડક પગલા લેવા જરૂરી
હાલની સ્થિતિ જોતા જેમ સરકારે બેટમાં ગેરકાયદે બાંધકામોનું ડેમોલેશન કરીને ભૂમાફીયાઓને સબક શીખવાડ્યો તેમ બેટનાં રેત માફીયાઓ ઉપર કડક પગલા ભરવા જોઈએ અને કુદરતી રીતે જે ઉતર દિશાથી સમુદ્ર બેટ તરફ આગળ વધે છે ત્યાં સંરક્ષણ દીવાલ બનાવવી જોઈએ.

હનુમાન દાંડી મંદિર પર પણ ખતરો…

યાત્રાધામ બેટ દ્રારકામાં વિશ્ર્વનું એક માત્ર પિતા પુત્ર એક સાથે એટલે કે હનુમાનજી મહારાજ અને તેમના પુત્ર મકરધ્વજજી મહારાજનું મંદિર આવેલ છે. દર વર્ષે લાખો ભકતો અહિં દશેનાર્થે આવે છે. બેટની પશ્ર્ચિમ દિશાએ શ્રી દ્વારકાધીશ મંદિર છે અને પૂર્વેમાં આ પિતા-પુત્રનું મંદિર એટલે કે હનુમાન દાંડી આવેલ છે. બેટનાં જ લોકો અને આગેવાનોનું કહેવું છે કે જો સમુદ્રને આગળ વધતો રોકવા સંરક્ષણ દિવાલ નહીં બને અને રેત માફિયાઓ ઉપર કડક પગલાં ભરી રેતી ચોરી બંધ નહીં થાય તો આવતા અમુક વર્ષો બાદ બેટ-દ્વારકા અને હનુમાન દાંડી વચ્ચે સમુદ્રી પાણી ફરી વળશે.

બેટ-દ્વારકામાં સમુદ્રનું પાણી ભયજનક રીતે આગળ વધી રહ્યું છે. વિડીયો જોવા અહીં ક્લિક કરો…