મેઘરાજાની ચાતક નજરે રાહ જોતા રાજકોટિયન્સ

મેઘરાજા સતત હાથતાળી આપતા હજુ ગરમીનું જોર યથાવત

 બફારો અને ઉકળાટ યથાવત રહેતા લોકો અકળાઇ ઉઠયા

ખાસ-ખબર સંવાદદાતા
રાજકોટમાં બફારાના લીધે લોકો ત્રાહિમામ પોકારી રહ્યા છે. શહેરવાસીઓ કાગડોળે વરસાદ વરસવાની રાહ જોઈ રહ્યા છે. ગત અઠવાડિયે વરસ્યા બાદ વરસાદે દેખા ન દેતા રાજકોટવાસીઓ અકળાઈ ઉઠ્યા છે.

વરસાદી વાતાવરણ બંધાયા છતા વરસાદ ન વરસતા લોકોને અસહ્ય બફારાનો અહેસાસ થઈ રહ્યો છે. શહેરમાં ચોમાસાના આગમન બાદ મેઘાડંબર વચ્ચે મેઘરાજા સતત હાથતાળી આપતા હજુ ગરમીનું જોર યથાવત રહયું છે ત્યારે શહેરીજનો મેઘરાજા મનમુકીને કયારે વરસશે તેની ચાતક નજરે રાહ જોઇ રહયા છે.