કોર્પોરેશનના કોલ સેન્ટરમાં જુલાઈ માસમાં નોંધાઇ 33402 ફરિયાદ
સૌથી વધુ ડ્રેનેજ, રોશની અને પાણીને લગતી સમસ્યાઓ
- Advertisement -
ખાસ-ખબર સંવાદદાતા
રાજકોટ મનપામાં દરરોજ પ્રાથમિક સુવિધાને લગતી 1077 ફરિયાદો નોંધાય છે. જુલાઈ માસમાં કોર્પોરેશનના ચોપડે 33402 ફરિયાદો નોંધાય છે. જે પૈકી 2032 ફરિયાદો પેન્ડિંગ છે જયારે27710 ફરિયાદોનો નિકાલ કરી દેવામાં આવ્યો છે.1977 ફરિયાદ ખાનગી માલીકીના સ્થળની હોવાના કારણે તેનો નિકાલ કરી શકાયો નથી.
સમગ્ર મામલે ડ્રેનેજની ફરિયાદો સૌથી અવ્વલ છે. જુલાઈ માસમાં ડ્રેનેજને લગતી 18 હજારથી પણ વધુ ફરિયાદ નોંધાય છે. જેમાં ડ્રેનેજ લાઈન ચોક અપ હોવાની કે ઓવરફલો થતી હોવાની16652 ફરિયાદો, જયારેડ્રેનેજ લાઈન બરાબર મેઈન્ટેનથતી ન હોવાની 1352 ફરિયાદો નોંધાઈ છે.
વધુ પડતી ફરિયાદોમાં રોશની શાખા બીજા નંબરેછે. ગત મહિને પડેલા ભારે વરસાદના કારણે શહેરમાં સ્ટ્રીટ લાઈટના ભારે ધાંધીયાસર્જાયા હતા, સ્ટ્રીટ લાઈટ બંધ હોવાથી સમયસર ચાલુ થઈ ન હોવાની, લાઈન ઉડી ગઈ હોવા સહિતની 6194 ફરિયાદો નોંધાઈ ચૂકી છે. જયારે પાણીને લગતી 1910 ફરિયાદો નોંધાઈ છે. જેમાં ધીમા ફોર્સથી પાણી આવતું હોવાની પાણી ન આવ્યું હોવાની, પુરતા સમય માટે પાણી ન આવ્યું હોવાની, ડહોળા પાણીની વધુ સમય પાણી આવ્યું હોવાની ફરિયાદો નોંધાઈ ચૂકી છે.
આ ઉપરાંતસોલીડ વેસ્ટ મેનેજમેન્ટ શાખાને લગતી2992 ફરિયાદ નોંધાય છે. જેમાં સફાઈ ન થતી હોવાની અને ડોર ટુ ડોર ગાર્બેજ કલેકશન માટે મિનિ ટીપર આવતી ન હોવાની કચરો ઉપાડતા ન હોવાની ફરિયાદો નોંધાય છે. બાંધકામ શાખાને લગતી 2033 ફરિયાદ, સીટીબસની 155 ફરિયાદ, મરેલા ઢોરને લગતી432 ફરિયાદ, દબાણ હટાવને લગતી 305 ફરિયાદ, ફુડ બ્રાંચને લગતી 15 ફરિયાદ, બગીચાને લગતી467 ફરિયાદ, વોંકળા સફાઈની 57 ફરિયાદ, ટાઉન પ્લાનીંગ શાખાને લગતી 158 અને મેલેરીયા શાખાને લગતી 239 ફરિયાદ નોંધાય છે. જુલાઈ માસમાં33420 ફરિયાદ કોલ સેન્ટરમાં નોંધાઈ ચૂકી છે.
