વૈભવે 26 બોલમાં 78 રન બનાવ્યા, 7 છગ્ગા ફટકાર્યા; જુરેલે પણ ફિફ્ટી ફટકારી
ખાસ-ખબર ન્યૂઝ નવી દિલ્હી
- Advertisement -
15 વર્ષના વૈભવ સૂર્યવંશીની વિસ્ફોટક ઇનિંગના સહારે રાજસ્થાન રોયલ્સે ઈંઙકમાં સતત ચોથી જીત મેળવી છે. ટીમે શુક્રવારે ડિફેન્ડિંગ ચેમ્પિયન રોયલ ચેલેન્જર્સને 6 વિકેટે હરાવ્યું.ગુવાહાટીના બરસાપારા ક્રિકેટ સ્ટેડિયમમાં રાજસ્થાને ટોસ જીતીને બોલિંગ લીધી હતી. બેંગલુરુએ 20 ઓવરમાં 8 વિકેટ પર 201 રન બનાવ્યા હતા. રાજસ્થાને 202 રનનો ટાર્ગેટ 18 ઓવરમાં 4 વિકેટ ગુમાવીને ચેઝ કરી લીધો.15 વર્ષના વૈભવ સૂર્યવંશીએ 26 બોલ પર 78 રનની આતશી ઇનિંગ રમી. તેની ઇનિંગમાં 8 ચોગ્ગા અને 7 છગ્ગા સામેલ રહ્યા. વિકેટકીપર ધ્રુવ જુરેલ 81 રન બનાવી અણનમ પરત ફર્યો.રાજસ્થાને 21 રન પર યશસ્વી જયસ્વાલની વિકેટ ગુમાવી દીધી હતી. આવી સ્થિતિમાં વૈભવ સૂર્યવંશીએ ધ્રુવ જુરેલ સાથે સદીની ભાગીદારી કરીને મેચને એકતરફી બનાવી દીધી હતી. બંનેએ માત્ર 34 બોલમાં 100 રનની ભાગીદારી પૂરી કરી લીધી હતી. જોકે, આ જોડીએ કુલ 37 બોલમાં 108 રન જોડ્યા હતા.છઈઇના કેપ્ટન રજત પાટીદારે 40 બોલ પર 63 રન બનાવ્યા. તેની આ ઇનિંગમાં 4 ચોગ્ગા અને 4 છગ્ગા સામેલ રહ્યા. તેના પહેલા વિરાટ કોહલીએ 16 બોલ પર 32 રન બનાવ્યા હતા. રાજસ્થાન તરફથી જોફ્રા આર્ચર, રવિ બિશ્નોઈ અને બ્રિજેશ શર્માને 2-2 વિકેટ મળી હતી.
ધ્રુવ જુરેલે ફિનિશરની ભૂમિકા ભજવી હતી
વૈભવના આઉટ થયા પછી, ધ્રુવ જુરેલે જવાબદારી સંભાળી અને શાનદાર બેટિંગ કરીને ટીમને વિજય તરફ દોરી ગઈ. જુરેલે 43 બોલમાં અણનમ 81 રન બનાવ્યા, જેમાં આઠ ચોગ્ગા અને ત્રણ છગ્ગાનો સમાવેશ થાય છે. તેની ઇનિંગે માત્ર 18 ઓવરમાં રાજસ્થાનનો વિજય સુનિશ્ચિત કર્યો.
