રેસકોર્સનું ગાર્ડન બન્યું “કપડાં સુકવવાનું મેદાન”

ગાર્ડનમાં ખુલ્લેઆમ ફેરીયાવાળા રમી રહ્યા છે જુગાર

રાજકોટનું રેસકોર્ષ ગાર્ડન કે જે બાળકોનાં આનંદ માટે બનાવવામાં આવ્યું છે, ત્યારે રાજકોટની શાન એવા રેસકોર્ષના રીંગરોડ પર (ગોલક્સી સામે) ફેરીયાઓવાળાએ ગાર્ડનમાં જ અડ્ડો જમાવ્યો છે. બાળકો માટેના હિંચકા, લપસીયા પર આ મજુરીયાઓ કપડા, ગોદડાઓ સુકવી રહ્યા છે. એટલું જ નહીં પરંતુ મજુરીયાઓ જાહેરમાં જુગાર રમતા પણ જોવા મળી રહ્યા છે.

રાજકોટના શાન એવા રેસકોર્ષના રીંગરોડની ફરતે જાળીઓ પર પણ કપડાંની લાઇનો લાગી છે. વધુમાં આ ફેરીયાઓવાળા દ્વારા ગંદકી પણ ફેલાવવામાં આવી રહી છે. મનપા દ્વારા બાળકોના આનંદ માટે બનાવવામાં આવેલા આ ક્રિડાંગણનો ખરેખર શું ઉપયોગ થવો જોઇએ? કપડા સુકવવાનો કે પછી જુગાર રમવાનો? બાળકો માટે બનાવવામાં આવેલા આ ગાર્ડનનો દુરઉપયોગ કરતા ફેરીયાવાળાઓ સામે તંત્ર કયા પગલાં લેશે તે તો હવે જોવું રહ્યું.