જુદા-જુદા વિસ્તારમાં જાહેર માર્ગો પર દબાણ હટાવાયા

રાજકોટ મનપાની દબાણ હટાવ શાખાની કામગીરી
ખાસ-ખબર સંવાદદાતા
રાજકોટ મહાનગરપાલિકાની દબાણ હટાવ શાખા દ્વારા તા. 19 જાન્યુઆરીથી 22 સુધી શહેરમાં જુદા – જુદા વિસ્તારમાં જાહેર માર્ગો પર દબાણ હટાવવાની કામગારી કરવામાં આવી હતી. જેમાં રેંકડી, કેબીન, અન્ય ચીજવસ્તુઓ, શાકભાજી-ફળો જપ્તા તેમજ પશુઓને આપવામાં આવતું લીલું, બોર્ડ-બેનરો વગેરે જપ્ત કરવામાં આવ્યા હતા. અનેક સ્થળોએથી રસ્તા પર નડતર રૂપ 18 રેકડીઓ જપ્ત કરાઈ હતી.
આ ઉપરાંત સ્વાસર્ય સોસાયટી શુક્રવારી બજાર, લક્ષ્મિનગર નાલા પાસે, આનંદ બંગલા કેવડાવાડી પટેલવાડી સામે, ઢેબર રોડ, રૈયા રોડ પરથી અન્ય જુદી-જુદી 49 પરચુરણ ચીજવસ્તુઓ જપ્ત કરવામાં આવી હતી. તથા જંકશન રોડ, જ્યુબેલી પરાબજાર, રેલ્વે જંકશન રોડ પરથી ઉપયોગમાં ન લઈ શકાય તેવા 120 કિલોગ્રામ શાકભાજી-ફળો જપ્ત કરવામાં આવ્યા હતા. તથા દસ્તુરમાર્ગ, જ્યુબેલી, જંકશન રોડ, યુનિ. રોડ, પરથી રૂ. 55,850 વહીવટી ચાર્જ વસુલ કરવામાં આવ્યો હતો. મવડી મેઈન રોડ, નાના મૌવા રોડ, પંચાયત ચોક, સાધુવાસવાણી રોડ, હેમુ ગઢવી રોડ, સ્પિડવેલ પાર્ટી પ્લોટ, સંતકબીર રોડ, યાજ્ઞિક રોડ, હેમુદસ્તુર માર્ગ પાસેથી રૂ. 19,250 મંડપ ચાર્જ વસુલ કરાયો. રેસકોર્ષ, પેડક રોડ અને કોઠારીયા રોડ પરથી 171 બોર્ડ-બેનરો જપ્ત કરવામાં આવ્યા છે.