શહેરમાં જુદી જુદી જગ્યાએ જાહેર માર્ગો પરથી દબાણ હટાવાયા

રાજકોટ મહાનગરપાલિકાની દબાણ હટાવ શાખા દ્વારા તા. 08-08થી 22-08ના શહેરમાં જુદી જુદી જગ્યાએ જાહેર માર્ગો પર દબાણરૂપ એવા રેંકડી-કેબીન, અન્ય ચીજવસ્તુઓ, શાકભાજી-ફળો જપ્તી તેમજ પશુઓને આપવામાં આવતું લીલું, બોર્ડ-બેનરો વગેરે જપ્ત કરવાની કામગીરી કરવામાં આવી હતી. રસ્તા પર નડતર 7 રેંકડી-કેબીનો રામાપીર ચોકડી, વૈશાલીનગર, મવડી મેઈન રોડ, લક્ષ્મીનગર પીજીવીસીએલ ઑફીસ પાસે, પુષ્કરધામ રોડ, શિવમ પાર્ક, ગાયત્રીનગર, આનંદ બંગલા ચોક, જંકશન રોડ, જ્યુબેલી માર્કેટ, મોચી બજાર, ગુમાનસિંહજી માર્કેટ, રેસકોર્ષ ગ્રાઉન્ડ, કૃષ્ણનગર મેઈન રોડ પરથી જપ્ત કરવામાં આવી હતી. જુદી-જુદી અન્ય 24 પરચુરણ ચીજવસ્તુઓ જપ્ત કરવામાં આવી હતી જે જ્યુબીલી, નુતનનગર રોડ, અયોધ્યા ચોક, મવડી મેઈન રોડ, એસ્ટ્રોન નાલા પાસે, રેસકોર્ષ ગ્રાઉન્ડ, હોસ્પિટલ ચોક, રેલવે જંક્શન, રૈયા રોડ, બસ સ્ટેશન સામે ઢેબર રોડ, નંદનવન મેઈન રોડ, ચંદ્રેશનગર, કુવાડવા રોડ, શાસ્ત્રી મેદાન પરથી જપ્ત કરવામાં આવી હતી. રૂા. 2,31,870/- મંડપ ચાર્જ જે રેસકોર્ષ રિંગ રોડ, રેલનગર, યાજ્ઞીક રોડ, મવડી રોડ, રૈયા રોડ, સેટેલાઇટ રોડ, નાના મૌવા રોડ, સાધુ વાસવાણી રોડમાંથી વસુલ કરવામાં આવ્યો હતો અને 312 બોર્ડ-બેનરો જે કોઠારીયા રોડ, સોરઠીયાવાડી, રેસકોર્ષ રિંગ રોડ પરથી જપ્ત કરવામાં
આવ્યા હતા.