જાહેર માર્ગો પર નડતરરૂપ 36 રેંકડી-કેબીનો હટાવતી દબાણ હટાવ શાખા

ખાસ-ખબર સંવાદદાતા
રાજકોટ મહાનગરપાલિકાની દબાણ હટાવ શાખા દ્વારા તારીખ 27-06થી 03-07 શહેરમાં જુદી જુદી જગ્યાએ જાહેર માર્ગો પર દબાણરૂપ એવા રેંકડી-કેબીન, અન્ય ચીજવસ્તુઓ, શાકભાજી-ફળો જપ્તી તેમજ પશુઓને આપવામાં આવતું લીલું, બોર્ડ-બેનરો વગેરે જપ્ત કરવાની કામગીરી કરવામાં આવી હતી. રસ્તા પર નડતર 36 રેંકડી-કેબીનો ગાયત્રીનગર, આંનદ બંગલા ચોક, જંકશન રોડ, જ્યુબેલી માર્કેટ, મોચી બજાર, ગુમાનસિંહજી માર્કેટ, મવડી મેઈન રોડ, પટેલ ક્ન્યા છાત્રાલય, પુષ્કરધામ રોડ, શિવમ પાર્ક, રેસકોર્ષ ગ્રાઉન્ડ, કૃષ્ણનગર મેઈન રોડ પરથી જપ્ત કરવામાં આવી હતી. જુદી જુદી અન્ય 77 પરચુરણ ચીજવસ્તુઓ જપ્ત કરવામાં આવી હતી જે જ્યુબીલી, મવડી મેઈન રોડ, રેસકોર્ષ ગ્રાઉન્ડ, હોસ્પિટલ ચોક, રેલવે જંક્શન, રૈયા રોડ, બસ સ્ટેશન સામે ઢેબર રોડ, નંદનવન મેઈન રોડ, ચંદ્રેશનગર, કુવાડવા રોડ, શાસ્ત્રી મેદાન પરથી જપ્ત કરવામાં આવી હતી. 70 કિ.ગ્રા. શાકભાજી-ફળો કે જે ઉપયોગમાં લઇ શકાય તેમ ન હતા તેને નંદનવન મેઈન રોડ, પુષ્કરધામ મેઈન રોડ, મવડી મેઈન રોડ, જ્યુબિલી માર્કેટ, રેલ્વે જંક્શન, આંનદ બંગલા ચોક પરથી જપ્ત કરવામાં આવ્યા હતા, તેમજ રૂ.38,500/- વહીવટી ચાર્જ રેલનગર ઢેબર રોડ, ત્રિકોણ બાગ, યુનિવર્સિટી રોડ, ચંદ્રેશનગર રોડ, નાના મૌવા રોડ, રૈયા રોડ, માટેલ ચોક, મોરબી રોડ પરથી વસુલ કરવામાં આવ્યો હતો. રૂા. 28,680/- મંડપ ચાર્જ જે રેલનગર, યાજ્ઞિક રોડ, મવડી રોડ, રૈયા રોડ, સેટેલાઇટ રોડ, નાના મૌવા રોડ, સાધુ વાસવાણી રોડમાંથી વસુલ કરવામાં આવ્યો હતો અને 65 બોર્ડ-બેનરો જે રોડ સંત કબીર રોડ, ચંદ્રેશનગર મેઈન રોડ, યુનિ. રોડ, ઢેબર રોડ પરથી જપ્ત કરવામાં આવ્યા હતા.