મોરબીમાં 88 વર્ષની ઉંમરે ઘેર બેઠા મતદાન કરતા પ્રમિલાબેન રાઠોડ

ખાસ-ખબર સંવાદદાતા
લોકોનું, લોકો દ્વારા અને લોકો માટેની શાસન વ્યવસ્થા એટલે લોકશાહી. લોકશાહીમાં ચૂંટણી એ એક અગત્યનો અવસર છે અને તંદુરસ્ત લોકશાહી માટે મતદાન કરવું અનિવાર્ય છે ત્યારે આ વખતની વિધાનસભા સામાન્ય ચૂંટણીમાં અંધ-અશક્ત, વરિષ્ઠ મતદારો માટે ચૂંટણી પંચ દ્વારા પોસ્ટલ બેલેટની વ્યવસ્થા કરવામાં આવી હતી જેમાં બુથ લેવલ ઓફિસરે ઘરે ઘરે ફરી ફોર્મ નંબર- 12 ડી ભરીને ચૂંટણી અધિકારીને આપ્યા હતા એ મુજબ ચૂંટણી પંચના કર્મચારીઓ અધિકારીઓએ આવા અંધ, અશક્ત અને વરિષ્ઠ મતદારોના મતદાન માટેની પ્રક્રિયા હાથ ધરવામાં આવી હતી જેમાં મોરબીના પ્રમિલાબેન વી. રાઠોડ નામના 88 વર્ષના વૃદ્ધા અશક્ત હોય ઘરે બેઠા મતદાન કરી તેઓએ મતાધિકારનો ઉપયોગ કરી જાગૃતતાના દર્શન કરાવ્યા હતા.