પોલીસે હસનપરમાં ધમધમતું જુગારધામ 5કડી પાડ્યું

ખાસ-ખબર સંવાદદાતા
મોરબી ક્રાઈમ બ્રાન્ચની ટીમે ગઈકાલે વાંકાનેરના હસનપર ગામની વાડીની ઓરડીમાં ચાલતું જુગારધામ ઝડપી લીધું હતું જેમાં જુગાર રમતા 8 શખ્સો પૈકી 3 આરોપીઓને રોકડા રૂ. 4,45,000 સાથે ઝડપી પાડીને આગળની કાર્યવાહી હાથ ધરવામાં આવી છે. વાંકાનેરના જાલીગામ ખાતે રહેતો આરોપી રમેશ ઉર્ફે મગનભાઇ રૂપાભાઇ કોળી તેની કબ્જા ભોગવટાવાળી હસનપર ગામની સીમમાં જાલી જવાના માર્ગે આવેલ વાડીની ઓરડીમાં બહારથી માણસો બોલાવીને જુગાર રમાડે છે જે બાતમીને આધારે એલસીબી ટીમે આ વાડીની ઓરડીમાં દરોડો પાડીને જુગાર રમતા બાબુભાઇ માધાભાઇ ભરવાડ, ખોડાભાઇ વિઠ્ઠલભાઇ પટેલ અને પ્રતિકસિંહ ઉર્ફે પિન્ટુ જનકસિંહ ક્ષત્રિયને રોકડા રૂ. 4,45,000 સાથે ઝડપી લીધા હતા જ્યારે જયંતિ રાધવભાઇ ચૌહાણ, સંજય લીંબાભાઇ બબુતર, મોમ નાથાભાઇ ડાભી, નરેન્દ્ર ઉર્ફે હકો દિલાભાઇ અસ્વાર અને રમેશ ઉર્ફે મગન રૂપાભાઈ રંગપરા નામના આરોપીઓ નાસી છૂટતા પોલીસે વાંકાનેર સીટી પોલીસ મથકે ગુન્હો દાખલ કરાવીને નાસી છૂટેલા આરોપીઓને ઝડપી પાડવા ચક્રો ગતિમાન કર્યા છે.