વડાપ્રધાન મોદીએ નેશનલ ગેમ્સનું ઉદ્ઘાટન કર્યું: GMDC ગ્રાઉન્ડમાં નવરાત્રી મહોત્સવમાં ભાગ લીધો

8 વર્ષ પહેલા ભારતના ખેલાડી 20-25 રમતોને જ ઓળખતા હતા, હવે ભારતના ખેલાડી આશરે 40 અલગ અલગ રમતમાં ભાગ લેવા જાય છે : વડાપ્રધાન મોદી

વડાપ્રધાન નરેન્દ્રભાઇ મોદીએ આજે અમદાવાદમાં નેશનલ ગેમ્સનું ઉદ્ઘાટન કર્યું હતું, જ્યાં તેમણે નોંધનીય નિવેદન આપતા કહ્યું કે, 8 વર્ષ પહેલા ભારતના ખેલાડી 20-25 રમતોને જ ઓળખતા હતા, હવે ભારતના ખેલાડી આશરે 40 અલગ અલગ રમતમાં ભાગ લેવા જાય છે. વડાપ્રધાન મોદી GMDC ગ્રાઉન્ડમાં નવરાત્રી મહોત્સવમાં પહોંચ્યા હતા. અત્રે માતાજીની આરતીનો લાભ લીધો હતો.

વડાપ્રધાન મોદી અમદાવાદમાં 36માં નેશનલ ગેમ્સના ઉદ્દઘાટન સમારંભમાં સામેલ થયા હતા. જે અમદાવાદના નરેન્દ્ર મોદી સ્ટેડિયમમાં આયોજિત થઇ રહ્યુ છે. આ સમારંભમાં પીએમ મોદીએ સ્વર્ણિમ ગુજરાત યૂનિવર્સિટીનું વર્ચુઅલ લૉન્ચ પણ કર્યુ હતુ. પીએમ મોદીએ આ કાર્યક્રમમાં જુડેગા ઇન્ડિયા…જીતેગા ઇન્ડિયાનો નારો આપ્યો હતો. ગુજરાતને પ્રથમ વખત નેશનલ ગેમ્સની યજમાની મળી છે. રાજ્યમાં છ શહેર અમદાવાદ, ગાંધીનગર, સૂરત, વડોદરા, રાજકોટ અને ભાવનગર છે.

અમદાવાદના GMDC ખાતે પીએમ મોદીના આગમનની તૈયારી કરવામાં આવી હતી. પીએમ મોદી GMDC ગ્રાઉન્ડ આવી પહોંચ્યા હતા. પીએમ નરેન્દ્ર મોદીએ માતાજીની આરતી ઉતારી અને માતાજીના ચરણોમાં શીશ ઝુકાવ્યું હતું. તેમજ ખેલૈયાઓએ પણ પીએમ મોદી સાથે હાથમાં દીવા લઈ માતાજીની ઉતારી હતી. વડાપ્રધાન મોદીએ સ્ટેજ પરથી ગરબા નિહાળ્યા હતા. પીએમ મોદી સાથે ગુજરાતના મુખ્યમંત્રી ભુપેન્દ્ર પટેલ, રાજ્યપાલ આચાર્ય દેવવ્રત, સીઆર પાટીલ, પૂર્ણેશ મોદી અને અરવિંદ રૈયાણી ગરબા સ્થળ હાજર રહ્યાં હતાં.

વડાપ્રધાનના વ્યક્તવ્યના મહત્વના અંશ..

• વિશ્વના સૌથી મોટા ક્રિકેટ સ્ટેડિયમનો આ નજારો અલગ છે
• તમે સતત દોડતા રહેશો તો સફળતા તમારી પાસે દોડીને આવશે
• આજે ફિટ ઇન્ડિયા અને ખેલ ઇન્ડિયા જેવા પ્રયાસ એક જન આંદોલન બની ગયા છે માટે, આજે ખેલાડીઓને વધુમાં વધુ સંસાધન પણ આપવામાં આવી રહ્યા છે અને વધુમાં વધુ તક પણ મળી રહ્યા છે
• ગત 8 વર્ષમાં દેશનું રમત બજેટ આશરે 70 ટકા વધ્યુ છે
• ટોક્યોમાં આ વખતે ભારતનું સર્વશ્રેષ્ઠ પ્રદર્શન
• આપણી દીકરીઓ દુનિયામાં દેશનું ગૌરવ વધારી રહી છે
• અગાઉ ખેલાડીઓને પ્રોફેશનલ સપોર્ટ મળતો નહતો
• તમારે કોમ્પિટિશન જીતવી છે તો તમારે કમિટમેન્ટ અને કન્ટુનિટીને જીતવી શીખવી પડશે, રમતમાં હાર-જીતને આપણે ક્યારેય અંતિમ ના માનવી જોઇએ. આ સ્પોર્ટ્સ સ્પિરિટ તમારા જીવનનો ભાગ હોવો જોઇએ ત્યારે ભારત જેવા યુવા દેશ તેના સપનાને તમે નેતૃત્વ આપશો.