ખાસ-ખબર ન્યૂઝ રાજકોટ, તા.3
અગાઉ વેરો બાકી હોય ત્યારે મારેલું સીલ તોડી નાખવામાં આવ્યું હતું
- Advertisement -
27 નિર્દોષ લોકોના મૃત્યુના જવાબદાર પૈકીના એક મહાનગરપાલિકાના પૂર્વ ટી.પી.ઓ. મનસુખ ઉર્ફે મનોજ સાગઠિયાના એક બાદ એક કૌભાંડો બહાર આવી રહ્યા છે. સાથો સાથ મ્યુનિસિપલ કમિશનર સહિતના અધિકારીઓ ડરપોક અથવા તો સાગઠિયાના ભાગીદાર હોય તેમ વર્તી રહ્યાની વિગતો પણ સ્પષ્ટ થઈ રહી છે. સાગઠિયાના ભાઈના નામે ટ્વિન ટાવરમાં 54 લાખમાં ખરીદાયેલી અને મનસુખ ઉર્ફે મનોજ સાગઠિયાના નામે પાવર એટર્ની કરાયેલી ઓફિસનો વેરો બાકી હોવાથી આજથી 6 મહિના પહેલાં 16-11-2023ના રોજ ઓફિસ પર નોટિસ મારી દેવામાં આવી હતી જોકે સૌ કોઇના આશ્ચર્ય વચ્ચે ઓફિસને 15 દિવસ બાદ 30મીએ સીલ પણ લગાવવામાં આવ્યું હતું, પરંતુ આ સીલ તોડી નાખવામાં આવ્યું હોય તેવું સ્પષ્ટ પણે જણાઈ આવતું હતું. વેરો બાકી હતો, મિલકત જપ્તીની નોટિસ ફટકારાઈ, સીલ મરાયું અને બાદમાં સીલ તોડી પણ નાંખ્યું છતાં કોઇ કાર્યવાહી હજુ સુધી થઈ નથી દરમિયાન આ વાત પોલીસના ધ્યાને આવતા સાગઠિયાને સાથે રાખીને ઓફિસે દોડી જઈ ફરી સીલ મારી દેવામાં આવ્યું હતું
