ખાસ-ખબર ન્યૂઝ પોરબંદર, તા.20
રાજ્ય સરકાર દ્વારા પ્રવાસન પ્રવૃતિને વધુને વધુ વેગ મળે તે માટે દર વર્ષે જુદા જુદા જિલ્લાઓમાં મેળા અને ઉત્સવોનું આયોજન કરવામાં આવે છે. જે અંતર્ગત પોરબંદરના માધવપુર(ઘેડ), ખાતે તા.17 થી 20 એપ્રિલ, 2024 સુધી મેળાનું આયોજન કરવામાં આવ્યું છે. મેળામાં આવનારના મનોરંજન માટે સાંસ્કૃતિક કાર્યક્રમનું આયોજન રમત-ગમત, યુવા અને સાંસ્કૃતિક પ્રવૃતિઓ વિભાગ દ્વારા કરવામાં આવનાર છે.
- Advertisement -
આ રાષ્ટ્રીય કક્ષાના મહોત્સવના સફળતાપૂર્વક આયોજન તેમજ જરૂરી સંકલન માટે નોડલ અધિકારીની નિમણુંક ક2વામાં આવી છે. માઘવપુર લોકમેળા-2024નો સમગ્ર કાર્યક્રમ સુચારૂ રૂપે થાય તેમજ સંબંધિત વિભાગો – ગાંધીનગર ખાતેની સુચના મુજબ સમગ્ર કામગીરી વ્યવસ્થિત અને સમય મર્યાદામાં થાય તે માટે નોડલ અધિકારીઓની નિયુક્તિ કરવામાં આવી હોવાનું જણાવવામાં આવ્યું છે.
