ભાજપની નવી સરકારની શપથ વિધીની તારીખ જાહેર, મુખ્યમંત્રી ભૂપેન્દ્ર પટેલ અને સી આર પાટીલે જનતાનો આભાર માન્યો

વિધાનસભાની ચૂંટણીના 182 બેઠકોના વલણ સામે આવ્યા છે જેમાં ભાજપ 158, કોંગ્રેસ 16, AAP 5 અને 3 બેઠકો પર અન્ય આગળ ચાલી રહ્યું છે.

ગુજરાત વિધાનસભાની ચૂંટણીના પરિણામો હાલ જાહેર થઈ રહ્યા છે અને ગુજરાતમાં સતત સાતમી વખત ભાજપ સરકાર બનાવવા તરફ આગળ વધી રહ્યું છે. ગુજરાત વિધાનસભા ચૂંટણીના પરિણામોમાં હાલ ભાજપ આગળ ચાલી રહ્યું છે. જણાવી દઈએ કે વિધાનસભાની ચૂંટણીના 182 બેઠકોના વલણ સામે આવ્યા છે.જેમાં ભાજપ 158, કોંગ્રેસ 16, AAP 5 અને 3 બેઠકો પર અન્ય આગળ ચાલી રહ્યું છે. ગુજરાતની અનેક બેઠક પર અણધાર્યા પરિણામો આવી રહ્યા છે અને હાલનું વલણ જોતાં લાગી રહ્યું છે છે ભાજપ જંગી બહુમતી સાથે સરકાર બનાવશે. આ સાથે જ કોંગ્રેસ માટે અનેક સીટ પરથી માઠા સમાચાર આવી રહ્યા છે.

ગુજરાત વિધાનસભા ચૂંટણીમાં ભારતીય જનતા પાર્ટી પર અતૂટ વિશ્વાસની મહોર મારી ઐતિહાસિક વિજય અપાવવા બદલ રાજ્યના સૌ મતદારોનો હૃદયથી આભાર વ્યક્ત કરું છું. જનસેવાના સંકલ્પ સાથે અથાક પુરુષાર્થ કરનાર દેવદુર્લભ કાર્યકર્તાઓ અને પક્ષના શીર્ષસ્થ નેતૃત્વને હાર્દિક અભિનંદન પાઠવું છું. pic.twitter.com/XL2MmrHfQI

— Bhupendra Patel (@Bhupendrapbjp) December 8, 2022

ગુજરાત વિધાનસભાની ચૂંટણીમાં ભાજપની ભવ્ય જીત
હાલના આંકડા મુજબ ગુજરાત વિધાનસભાની ચૂંટણીમાં ભાજપની ભવ્ય જીત થઈ રહી છે અને 12 ડિસેમ્બરે શપથગ્રહણ સમારોહનું આયોજન થશે. નવી સરકારની શપથ વિધી યોજાશે. PM મોદી અને અમિત શાહની હાજરીમાં હેલિપેડ ગ્રાઉન્ડ ખાતે થશે શપથવિધિ સમારોહનું આયોજન થશે.

Live: ભાજપા પ્રદેશ કાર્યાલય શ્રી કમલમ્ ખાતે પ્રેસ કોન્ફરન્સ https://t.co/QyqsbqkbFy

— Bhupendra Patel (@Bhupendrapbjp) December 8, 2022

ગુજરાત વિધાનસભા ચૂંટણીમાં ભાજપની ભવ્ય જીત થઈ રહી છે. ભાજપને અત્યાર સુધીના ઈતિહાસમાં સૌથી વધુ બેઠકો મળી રહી છે. ભાજપની ભવ્ય જીત જોતાં જોઈને નરેન્દ્ર મોદી અને અમિત શાહે ગુજરાતમાં ભવ્ય વિજય બદલ મુખ્યમંત્રી અને પ્રદેશ પ્રમુખ સીઆર પાટીલને ટેલીફોનના માધ્યમથી શુભેચ્છા પાઠવી હતી.