મનપાએ રાસોત્સવ માટે મેદાન ભાડે આપવા ટેન્ડર પ્રસિદ્ધ કર્યા

ખાસ-ખબર સંવાદદાતા
રાજકોટ મહાનગરપાલિકાના જણાવ્યા અનુસાર નવરાત્રીના આયોજન માટે અલગ અલગ 6 પ્લોટ ભાડે આપવા માટે તૈયારી કરાઈ છે જેમાં દરરોજનું ભાડું પ્રતિ ચોરસ મીટર મુજબ લેવાશે. પ્લોટનો કબજો 13/10/2023 થી તા.24/10/2023 સુધી નવરાત્રી સુધી રહેશે. ભાડા માટે અપસેટ કિંમત રાખી છે જેનાથી વધારે રસ ધરાવનારાઓએ ભાવ ભરવો પડશે. ટેન્ડર હાલ વેબસાઈટ પર મુકાઈ ગયું છે અને 3 ઓક્ટોબર સુધી ટેન્ડર ભરી શકાશે અને તેની સાથે ઈએમડીના 1,00,000 રૂૂપિયા ભરવાના રહેશે. મનપાએ જે પ્લોટ ભાડે આપવા નક્કી કર્યું છે તેમાં રેસકોર્સ મેદાનમાં બે ભાગમાં પ્લોટ, નાનામવા સર્કલ, સાધુવાસવાણી રોડ, પ્રમુખ સ્વામી ઓડિટોરીયમ, અમીન માર્ગ કોર્નર જેડબ્લ્યુની સામે સહિતની જગ્યાઓમાં અમુકમાં અપસેટ કિંમત 6 રૂૂપિયા જ્યારે અમુકમાં 5 રૂૂપિયા પ્રતિ ચોરસ મીટર ભાવ રખાયો છે.