લોકરક્ષક દળની પરીક્ષા: ગુજરાતી પેપરના પ્રશ્ર્નો તાર્કિક રીતે પૂછાયા, જે સમય માંગી લે

પાસ થવા માટે બન્ને પાર્ટમાંથી 40 ટકા ગુણ લેવા ફરજીયાત, 12 હજારની જગ્યા માટે 2,37,372 વિદ્યાર્થીઓએ પરીક્ષા આપી
પરીક્ષામાં બાયોમેટ્રિક વેરિફિકેશન અને ફેસ સ્ક્રીનીંગ અને સીસીટીવી દ્વારા મોનીટરીંગ કરાયું.
વિદ્યાર્થીઓએ જણાવ્યું કે, તૈયારીઓ કરનારા માટે પેપર ઘણું સરળ હતું

ખાસ-ખબર ન્યૂઝ રાજકોટ, તા.16
લોકરક્ષક દળ કેડરની 12 હજારની જગ્યા માટેની પરીક્ષા રવિવારે ગાંધીનગર, અમદાવાદ, રાજકોટ, વડોદરા, ભાવનગર, આણંદ સહિતના સેન્ટરો પર લેવામાં આવી હતી. કુલ 2,37,372 વિદ્યાર્થીઓએ આ પરીક્ષા આપી હતી. એલઆરડી પરીક્ષાના માળખાના વાત કરીએ તો પ્રથમ ગ્રાઉન્ડ પર રનીંગ અને ત્યારબાદ 200ની માર્કસની ખઈચ પરીક્ષા હોય છે. વહેલી સવારથી જ ઉમેદવારો પરીક્ષા કેન્દ્ર પર પહોંચી ગયા હતા. જ્યા બાયોમેટ્રિક અને સ્કેનિંગ કરી પ્રવેશ અપાયો હતો. પોલીસનો ચુસ્ત બંદોબસ્ત ગોઠવવામાં આવ્યો છે. શાંતિપૂર્ણ માહોલમાં પરીક્ષા પૂર્ણ થઈ હતી. વિદ્યાર્થીઓએ જણાવ્યું હતું કે, તૈયારીઓ કરનારા માટે પેપર ઘણું સરળ હતું.

પેપરનું વિશ્લેષણ કરનારાના મતે પાર્ટ 1માં પૂછાયેલા પ્રશ્નો સામાન્ય હતા. અત્યાર સુધી વિદ્યાર્થીઓએ ઇંગ્લિશ સિરીઝની જ તૈયારી અને પ્રેક્ટિસ કરી હતી. ગુજરાતીમાં પરિચ્છેદ ગ્રહણને લગતા પ્રશ્નો પણ તાર્કિક રીતે પૂછવામાં આવેલા જે વિચારવાનો સમય માંગી લે તેવા હતા. માહિતી અર્થઘટનને લગતા અમુક પ્રશ્નો પણ સમય માંગી લેતા હતા. આંતરરાષ્ટ્રીય બાબતોને લગતાં પ્રશ્નો તેમજ સામાન્ય જ્ઞાનનાં પ્રશ્નો પ્રમાણમાં વધુ પૂછવામાં આવેલ. પાર્ટ એ માં મોટાભાગના પ્રશ્નો સામાન્ય હતા, પરંતુ પાર્ટ બીમાં સાહિત્યના પ્રશ્નો ઊંડાણપૂર્વકનો અભ્યાસ માંગી લે તેવા હતા.

પરીક્ષામાં ગેરરીતિ અટકાવવા બાયોમેટ્રિક વેરિફિકેશન અને ફેસ સ્ક્રીનીંગ કરી ચકાસવામાં આવ્યાં હતા. ઈન્ટરનેટ જોડાણ સાથે સીસીટીવી કેમેરા નીચે જ ઉમેદવાર પરીક્ષા આપી હતી. જેથી તમામ પર નજર રાખી શકાય. જિલ્લા શિક્ષણ અધિકારી અને પોલીસ વિભાગ સીસીટીવી પર મોનીટરીંગ કર્યું હતું લોકરક્ષક પોલીસ વિભાગની પરીક્ષામાં કોઈ પણ પ્રકારની ગેરરીતી ન થાય તે માટે કડક સિક્યુરિટી રાખવામા આવી હતી.

આ વખતે LRDના પેપરને બે પાર્ટમાં વિભાજિત કરવામાં આવ્યું

પાર્ટ 1
રિઝનીંગ અને ડેટા ઈન્ટરપ્રિટેશન 30
ક્વોન્ટિટિવ એપ્ટિટયૂડ 30
ગુજરાતી ભાષા 20

પાર્ટ 2
ભારતનું બંધારણ 30
વર્તમાન પ્રવાહ, સાયન્સ, સામાન્ય જ્ઞાન 40
ઈતિહાસ, સંસ્કૃતિ, ભારત-ગુજરાતનુ ભૂગોળ 50

આ વખતે કછઉના પેપરને બે પાર્ટમાં વિભાજિત કરવામાં આવ્યું છે. 200 માર્ક્સના આ પેપરની પાર્ટ-અ અને પાર્ટ-ઇ એમ બે વિભાગમાં પરીક્ષા લેવામાં આવી હતી. એમાં પાર્ટ-અ 80 માર્ક્સનું રહેશે, જેમાં 30 માર્ક્સનું ગણિત, 30 માર્ક્સનું રીઝનિંગ અને 20 માર્ક્સનું ગુજરાતી ભાષાનું હતું. જ્યારે પાર્ટ-ઇ 120 માર્ક્સનું હતું, એમાં 30 માર્ક્સનું બંધારણ, 50 માર્ક્સનું ઈતિહાસ, ભૂગોળ અને વારસો અને 40 માર્ક્સમાં જનરલ નોલેજ અને સાયન્સ એન્ડ ટેકનોલોજી સહિતના વિષયના હતા. બન્ને પાર્ટમાંથી પાસ થવા માટે 40 ટકા ગુણ લેવા ફરજીયાત છે.

પેપર લાંબુ હોવાથી વિદ્યાર્થીઓ મૂંઝાયા: પ્રો.નીરજ ભંડેરી

સ્પર્ધાત્મક પરીક્ષાના માર્ગદર્શક પ્રોફેસર નીરજ ભંડેરીએ ખાસ ખબરને જણાવ્યું હતું કે, ગુજરાતીનું પેપર અઘરૂં હતું. જ્યારે મેથ્ય- રીઝનીંગના પ્રશ્નો એવરેજ હતા. ઈતિહાસમાં તથ્યો આધારીત પ્રશ્નો પૂછાયા જ્યે બંધારણ સરળ રહ્યું. વર્તમાન પ્રવાહના પ્રશ્નો થોડા અઘરા રહ્યા. આ ઓવરઓલ પેપર થોડું લાંબુ અને સમય માંગી લે તેવું હતુ તેથી ઘણા વિદ્યાર્થીઓ આખુ પેપર ભરી નથી શક્યા.