ચાર બુટલેગરોની ધરપકડ, અમદાવાદના શખસની શોધખોળ : 738 બોટલ દારૂ, ઍક્ટિવા, બોલેરો સહિત 9.57 લાખનો મુદ્દામાલ કબજે
ખાસ-ખબર ન્યૂઝ રાજકોટ, તા.13
શહેરમાં તહેવાર ટાણે દારૂની રેલમછેલ કરવા બૂટલેગરો ફરી મેદાનમાં ઉતર્યા હોય તેને ડામી દેવની સૂચના અન્વયે ડીસીબીની ટીમે એક જ દિવસમાં બે સ્થળે દરોડા પાડી રાજકોટના બે બુટલેગરે મંગાવેલો 6.32 લાખનો દારૂ કબજે કરી ચાર શખ્સોની ધરપકડ કરી અમદાવાદથી માલ મોકલનાર શખસની શોધખોળ હાથ ધરી છે.
- Advertisement -
રાજકોટ ક્રાઇમ બ્રાન્ચના પીઆઇ એમ આર ગોંડલીયાના માર્ગદર્શન હેઠળ એએસઆઈ બળભદ્રસિહ જાડેજા, જમાદાર કનકસિંહ સોલંકી, મહિપાલસિંહ ઝાલા સહિતની ટીમ પેટ્રોલિંગમાં હતી દરમિયાન મળેલી ચોક્કસ બાતમી આધારે સવારે નાનામવા મેઇન રોડ મોકાજી સર્કલ પાસે પાયલોટિંગ કરીને આવતા એક્ટીવાને તથા બોલેરો વાહનને અટકાવી પાછળના ભાગે ઢાંકેલી તાડપત્રી હટાવી તપાસ કરતા નીચેથી 2,71,200ની કિંમતની 240 બોટલ વિદેશી દારૂ મળી આવી હતી પોલીસે એક્ટિવા પર પાઇલટિંગ કરતા જંક્શન પ્લોટના બૂટલેગર દિનેશ રાજકુમાર નીચાણી, માધાપરના વિજય હીરાનંદ લાલવાણીને તેમજ બોલેરોમાં બેઠેલા નવલનગરના વિનોદ રમેશ ચૌહાણ અને જંગલેશ્વરના હિતેન રાવ રામનારાયણ રાવ પાસીની ધરપકડ કરી 5,96,200 રૂપિયાનો મુદામાલ કબજે કર્યો હતો જ્યારે અમદાવાદના ભરત ખુશાલદાસ સોમૈયાએ માલ મોકલાવ્યો હોવાની કબૂલાત આપતા પોલીસે તેની શોધખોળ હાથ ધરી છે.
બૂટલેગર દિનેશ અને વિજયની આકરી પૂછપરછમાં બંને પોપટ બની ગયા હતા અને બેડી ગામે વિશ્વકર્મા ટ્રક ગેરેજમાં બંધ હાલતમાં પડેલા ક્ધટેનરમાં વિદેશી દારૂનો જથ્થો સંતાડ્યો હોવાની કબૂલાત આપતા બપોરે ટીમ બેડી દોડી ગઇ હતી અને ગેરેજમાં રહેલા ક્ધટેનરમાં સંતાડેલો રૂ.3,61,200નો વિદેશી દારૂની 498 બોટલ દારૂ કબજે કરી હતી પોલીસે બંને સ્થળેથી રૂ.6,32,200ના કિંમતની વિદેશી દારૂની 738 બોટલ અને વાહન સહિત 9,57,400નો મુદામાલ કબજે કર્યો છે.
