એલસીબીએ રૂપિયા 4,64,894નો મુદ્દામાલ જપ્ત કર્યો
ખાસ-ખબર ન્યૂઝ જાફરાબાદ
જાફરાબાદના નાગેશ્રી ગામ નજીકથી વિદેશી દારૂની હેરાફેરો કરતો યુવકને અમરેલી એલસીબીએ ઝડપી પાડ્યો હતો. જેમા એલસીબી ટીમે મળેલ બાતમીના આધારે ઉના થી રાજુલા તરફ આવી રહેલ એક કારમાં વિદેશી દારૂની બોટલ હોય જેથી નાગેશ્રી ગામ નજીક એક કારને રોકી તપાસ કરતા કારમાંથી વિદેશ દારૂની અલગ-અલગ બ્રાન્ડની કુલ 66 કિ.રૂ. 34,894 તથા મોબાઇલ ફોન નંગ-2 કિ.રૂ. 30,000 અને ફોરવ્હીલ કાર શ20 કિ.રૂ. 4,00,000 કુલ રૂપિયા 4,64,894 લાખના મુદ્દામાલ સાથે આરોપી સંજય નરશીભાઇ સાંખટ ઉ.વ.31 રહે.મહુવાને એલસીબીએ ઝડપી પાડી આરોપી વિરૂધ્ધ ધોરણસર કાર્યવાહી કરી પકડાયેલ આરોપી તથા મુદ્દામાલ નાગેશ્રી પોલીસ સ્ટેશનમાં સોંપી આપેલ છે. આ આરોપી વિરુધ્ધ રાજુલા અને મહુવાના પાંચ ગુન્હા નોંધાયેલ હોવાનુ સામે આવ્યુ છે. આ કામગીરીમાં અમરેલી પોલીસ અધિક્ષક હિમકરસિંહનાઓની સુચના અને માર્ગદર્શન હેઠળ અમરેલી એલ.સી.બી. પોલીસ ઇન્સ. એ.એમ.પટેલ તથા એ.એસ.આઇ બહાદુરભાઈ વાળા, હેડ કોન્સ. લીલેશભાઇ બાબરીયા, જયેન્દ્રભાઈ બસીયા, સુરેશભાઈ મેર, તુષારભાઈ પાંચાણી તથા પો. કોન્સ. યુવરાજસિંહ વાળા દ્વારા કરવામાં આવેલ છે.
