હર ઘર તિરંગા રાષ્ટ્રીય સપ્તાહ અંતર્ગત જૂનાગઢ જિલ્લા પોલીસ દ્વારા નાગરિકોને રાષ્ટ્રધ્વજ અપાયા

78મા સ્વતંત્રતા પર્વ નિમિત્તે 2 હજાર તિરંગાનું વિતરણ

ખાસ-ખબર ન્યૂઝ  જૂનાગઢ, તા.9
જૂનાગઢ જિલ્લા પોલીસ પરિવાર દ્વારા હર ઘર તિરંગા રાષ્ટ્રીય સપ્તાહ અંતર્ગત પોલીસ અધિક્ષક હર્ષદ મેહતા, ડીવાયએસપી હિતેશ ધાંધલીયા, એલસીબી પીઆઇ જે.જે.પટેલ સહિતના અધિકારીઓએ રાષ્ટ્રીય પર્વ – સ્વાતંત્ર્ય પર્વ – 15 ઓગસ્ટ પૂર્વે હર ઘર તિરંગા રાષ્ટ્રીય સપ્તાહની ઉજવણી ભાગ રૂપે શહેરના નાગરિકોને રાષ્ટ્રધ્વજ અર્પણ કરીને હર ઘર તિરંગા રાષ્ટ્રીય સપ્તાહ ઉજવણી કરી હતી આ સમગ્ર સપ્તાહ દરમિયાન રાષ્ટ્રભાવનાને ઉજાગર કરતા કાર્યક્રમ યોજાશે.

એસપી હર્ષદ મેહતા અને પોલીસ પરિવાર દ્વારા શહેરના ગાંધીચોક ખાતે આગામી 15 ઓગસ્ટ અનુસંધાને હર ઘર તિરંગા અભિયાન અંતર્ગત જુનાગઢ શહેર અને જિલ્લા વિસ્તારમાં કુલ મળીને 2000 જેટલા રાષ્ટ્રધ્વજ વિતરણ કરવામાં આવેલ હતું જેમાં 78માં સ્વતંત્રતા પર્વ નિમિતે રાષ્ટ્રભાવનાને ઉજાગર કરવા આ કાર્યક્રમ યોજવામાં આવેલ હતો અને આગામી 15 ઓગસ્ટ સુધી વિવિધ કાર્યક્રમો પોલીસ પરિવાર અને વહીવટી તંત્ર દ્વારા યોજાશે.

શાળા-કોલેજોમાં વિદ્યાર્થીઓએ રાષ્ટ્રભાવનાને ઉજાગર કરતા તિરંગાના ચિત્રો કંડાર્યા

જૂનાગઢ જિલ્લામાં હર ઘર તિરંગા રાષ્ટ્રીય સપ્તાહની ઉજવણી

ખાસ-ખબર ન્યૂઝ જૂનાગઢ, તા.9

જૂનાગઢ રાષ્ટ્રીય સ્વતંત્રતા પર્વની ઉજવણીના ભાગરૂપે રાષ્ટ્રધ્વજના સન્માનમાં તા.08 થી 15 ઓગસ્ટ સ્વતંત્રતા સપ્તાહ દરમિયાન લોકોમાં રાષ્ટ્રધ્વજ અને દેશ માટે ગર્વની ભાવના જાગે તે માટે “તિરંગાયાત્રા” કાર્યક્રમની ઉજવણી જૂનાગઢ જિલ્લામાં કલેકટર અનિલ રાણાવસિયાના સીધા માર્ગદર્શનમાં થઈ રહી છે. આજે જૂનાગઢની વિવિધ શાળા – કોલેજોમાં હર ઘર તિરંગા રાષ્ટ્રીય સપ્તાહ અંતર્ગત વિદ્યાર્થીઓએ રાષ્ટ્ર ભાવનાને ઉજાગર કરતા રાષ્ટ્રધ્વજના કલાત્મક ચિત્રો કંડારીયા હતા.
આ કાર્યક્રમ અંતર્ગત ભક્ત કવિ નરસિંહ મહેતા યુનિવર્સિટી, જૂનાગઢ કૃષિ યુનિવર્સિટી અને ર્ડા. સુભાષ યુનિવર્સિટી અને નોબલ યુનિવર્સિટી, જિલ્લા શિક્ષણાધિકારી, જિલ્લા પ્રાથમિક શિક્ષણાધિકારી, જૂનાગઢના પ્રયત્નોથી જિલ્લાની તમામ કોલેજો, પ્રાથમિક શાળાઓ, માધ્યમિક શાળાઓ, ઉચ્ચતર માધ્યમિક શાળાઓમાં તા.08 થી 15 ઓગષ્ટ 2024 સુધી શૈક્ષણિક સંસ્થાઓ દ્વારા તિરંગાયાત્રામાં દેશભક્તિની થીમ આધારિત “ફેન્સી ડ્રેસ સ્પર્ધા” નું આયોજન કરવામાં આવેલ છે. તેમજ તા.08/08/2024 અને તા.09/08/2024 દરમિયાન દેશભક્તિની થીમ ઉપર રંગોળી સ્પર્ધા, નિબંધ સ્પર્ધા અને ચિત્ર સ્પર્ધાનું આયોજન કરવામાં આવેલ છે.