ખાસ-ખબર ન્યૂઝ ગાઝા, તા.28
હમાસ સામેના યુદ્ધ પછી રવિવારે ઇઝરાયલે પહેલીવાર ગાઝામાં માનવતાવાદી સહાય પહોંચાડી. ઇઝરાયલી સેના ઈંઉઋએ ગાઝામાં લોટ, ખાંડ, દવા અને ફુડ પેકેટ હવાઈ માર્ગે પહોંચાડ્યા. આ પગલું આંતરરાષ્ટ્રીય સંગઠનોના સહયોગથી લેવામાં આવ્યું હતું. તે જ સમયે, ઇઝરાયલે ગાઝાના કેટલાક ભાગોમાં યુદ્ધવિરામ અને સંયુક્ત રાષ્ટ્ર (ઞગ) માટે સલામત માર્ગની પણ જાહેરાત કરી જેથી ત્યાંના લોકો સુધી મદદ પહોંચાડી શકાય. ઇઝરાયલે માર્ચથી મે સુધી ગાઝામાં બાહ્ય સહાય પર પ્રતિબંધ મૂક્યો હતો. હવે ઇઝરાયલ કહે છે કે તે યુએન સહાય પહોંચાડવામાં અવરોધ નથી લાવી રહ્યું. ગાઝામાં ઇઝરાયલ-હમાસ યુદ્ધ શરૂ થયાને 22 મહિના થઈ ગયા છે. આ લડાઈને અત્યાર સુધીમાં 124 લોકો ભૂખમરાથી મૃત્યુ પામ્યા છે, જેમાંથી 81 બાળકો છે. જુલાઈ મહિનામાં જ 40 લોકો ભૂખમરાથી મૃત્યુ પામ્યા હતા, જેમાંથી 16 બાળકો છે. ઇઝરાયલી સેનાએ પુષ્ટિ આપી છે કે તેમણે હવાઈ માર્ગે ગાઝામાં સહાય મોકલવાનું શરૂૂ કર્યું છે.
અગાઉ, ઇઝરાયલી સુરક્ષા અધિકારીએ શુક્રવારે સીએનએનને જણાવ્યું હતું કે ગાઝામાં ભૂખમરાના સંકટ પર વધતી આંતરરાષ્ટ્રીય ટીકા વચ્ચે ઇઝરાયલ વિદેશી દેશોને હવાઈ માર્ગે ગાઝામાં સહાય મોકલવાની મંજૂરી આપશે. અમેરિકામાં ઇઝરાયલના રાજદૂત યેચિએલ લીટરે શનિવારે જણાવ્યું હતું કે ઇઝરાયલી સેના રવિવારથી ગાઝા માટે ’માનવતાવાદી કોરિડોર’ ખોલશે. તેમનો ઉદ્દેશ્ર્ય ગાઝાની વસ્તી માટે માનવતાવાદી સહાય વધારવાનો છે. ગાઝામાં રિપોર્ટિંગ કરતા પત્રકારોએ જણાવ્યું હતું કે ત્યાં 50 ગ્રામ બિસ્કિટના પેકેટની કિંમત 750 રૂપિયા છે. રોકડ ઉપાડવા માટે, 45% સુધી કમિશન ચૂકવવું પડે છે. પરિસ્થિતિ એટલી ખરાબ છે કે લોકો મીઠું ખાઈને અને પાણી પીને કામ કરી રહ્યા છે. 21 મહિનામાં મારું વજન 30 કિલો ઘટી ગયું છે. થાક રહે છે અને ચક્કર આવે છે. દક્ષિણ ગાઝામાં નાસિર હોસ્પિટલમાં કામ કરતા એક આરોગ્ય અધિકારી કહે છે કે ગાઝામાં દરેક વ્યક્તિ ભૂખમરાના સંકટનો સામનો કરી રહી છે. કુપોષણથી મૃત્યુ પામેલા બાળકોની સંખ્યા સતત વધી રહી છે. તેઓ કહે છે કે જ્યારે ગાઝામાં યુદ્ધ શરૂૂ થયું ત્યારે હવાઈ હુમલામાં ઘાયલ થયેલા લોકોમાં સૌથી વધુ લોકો હોસ્પિટલમાં રહેતા હતા, પરંતુ હવે તેમની જગ્યાએ કુપોષણથી પીડાતા બાળકો આવી ગયા છે. તે જ સમયે, યુએન કહે છે કે ગાઝામાં વસતિના એક તૃતીયાંશ લોકોને દર કેટલાક દિવસોમાં એકવાર ખોરાક મળી રહ્યો છે.
