IPL 2025: રાજસ્થાન રોયલ્સે રોમાંચક મેચમાં ચેન્નાઈ સુપર કિંગ્સને 6 રને હરાવ્યું

રાજસ્થાન રોયલ્સે રોમાંચક મેચમાં ચેન્નાઈ સુપર કિંગ્સને 6 રને હરાવ્યું. નીતિશ રાણા, વાનિન્દુ હસરંગા અને સંદીપ શર્માએ શાનદાર પ્રદર્શન કર્યું. રાજસ્થાને ચેન્નાઈને જીત માટે 183 રનનો લક્ષ્યાંક આપ્યો હતો. જવાબમાં CSK ફક્ત 176 રન બનાવી શક્યું.

રાજસ્થાન દ્વારા આપવામાં આવેલા લક્ષ્યનો પીછો કરવા ઉતરેલી CSK માટે ઋતુરાજ ગાયકવાડે કેપ્ટનશીપ ઇનિંગ્સ રમી. જોકે, તે વિજય અપાવી શક્યો નહીં. ગાયકવાડે 44 બોલમાં 63 રન બનાવ્યા. રાહુલ ત્રિપાઠીએ 23 રનનું યોગદાન આપ્યું. શિવમ દુબે 18 રન બનાવીને આઉટ થયો હતો. મહેન્દ્ર સિંહ ધોની 16 રન બનાવીને પેવેલિયન પરત ફર્યા. જાડેજા 32 રન બનાવીને અણનમ રહ્યો. રાજસ્થાન તરફથી હસરંગાએ 4 વિકેટ લીધી.

પ્રથમ બેટિંગ કરતા રાજસ્થાને 182 રન બનાવ્યા. આ દરમિયાન નીતિશ રાણાએ 36 બોલમાં 81 રન બનાવ્યા. તેણે 10 ચોગ્ગા અને 5 છગ્ગા ફટકાર્યા. કેપ્ટન રિયાન પરાગે 37 રનનું યોગદાન આપ્યું. સંજુ સેમસન 20 રન બનાવીને આઉટ થયો. શિમરોન હેટમાયર 19 રન બનાવીને આઉટ થયો હતો.

આ દરમિયાન ચેન્નાઈ તરફથી ખલીલ અહેમદ, નૂર અહેમદ અને મહિષા પથિરાનાએ 2-2 વિકેટ લીધી. જાડેજા અને અશ્વિને 1-1 વિકેટ મળી.

ચેન્નાઇ 183 રનનો ટાર્ગેટ પાર પાડવા માટે ઉતર્યું હતું. જો કે બેટ્સમેનો મહદઅંશે ફ્લોપ રહેવાના કારણે ધડાધડ વિકેટો પડી ગઇ હતી. આખરે ભારે રસાકસીભરી મેચના અંતે ચેન્નાઇને હારનો સામનો કરવો પડ્યો હતો. આઇપીએલના મોટા મોટા સ્કોરને જોતા આ પ્રમાણમાં લો સ્કોરિંગ મેચ હોવા છતા પણ ચેન્નાઇની ટીમ 183 રનના ટાર્ગેટને પાર પાડી શકી નહોતી અને હારનો સામનો કરવો પડ્યો હતો અને રાજસ્થાનની 6 રનથી જીત થઇ હતી.

ચેન્નાઇને જીતવા માટે 183 રનનો લક્ષ્યાંક

રાજસ્થાન રોયલ્સે ચેન્નાઈ સુપર કિંગ્સને જીતવા માટે 183 રનનો લક્ષ્યાંક આપ્યો છે. ટીમ માટે નીતિશ રાણાએ શાનદાર પ્રદર્શન કર્યું. રાણાએ 36 બોલનો સામનો કરીને 81 રન બનાવ્યા. તેણે 10 ચોગ્ગા અને 5 છગ્ગા ફટકાર્યા. રિયાન પરાગે 37 રનનું યોગદાન આપ્યું. સેમસન 20 રન બનાવીને આઉટ થયો હતો. યશસ્વી જયસ્વાલ 4 રન બનાવીને પેવેલિયન પરત ફર્યા હતા. ધ્રુવ જુરેલ 3 રન બનાવીને આઉટ થયા હતા અને હસરંગા 4 રન બનાવીને આઉટ થયા હતા.

ચેન્નાઈ સુપર કિંગ્સ તરફથી નૂર અહેમદ, મહિષ પથિરાના અને ખલીલ અહેમદે 2-2 વિકેટ લીધી. રવિચંદ્રન અશ્વિન અને રવિન્દ્ર જાડેજાએ 1-1 વિકેટ લીધી હતી.

રાજસ્થાનનો રેકોર્ડ ખરાબ

જો આપણે હેડ ટુ હેડ રેકોર્ડ પર નજર કરીએ તો, ચેન્નઈ રાજસ્થાન પર ભારે છે. ચેન્નઈએ 29 માંથી 16 મેચ જીતી છે. જ્યારે રાજસ્થાને 13 મેચ જીતી છે. આ બંને ટીમો વચ્ચે છેલ્લી મેચ 2024 માં રમાઈ હતી. તે ચેન્નાઈ સુપર કિંગ્સે પાંચ વિકેટથી જીતી હતી. જો આપણે છેલ્લી પાંચ મેચના પરિણામો પર નજર કરીએ તો, રાજસ્થાને ચાર મેચ જીતી છે અને ચેન્નાઈએ એક મેચ જીતી છે.

ગુવાહાટીમાં રાજસ્થાન રોયલ્સનો રેકોર્ડ ખરાબ છે –

ગુવાહાટીમાં રાજસ્થાનનો અત્યાર સુધીનો રેકોર્ડ સારો નથી રહ્યો. ટીમે અહીં પાંચ મેચ રમી છે. આ સમયગાળા દરમિયાન ફક્ત એક જ મેચ જીતી શકી છે. રાજસ્થાનને ત્રણ મેચમાં હારનો સામનો કરવો પડ્યો છે. એક મેચનું પરિણામ નક્કી થઈ શક્યું નહીં. રાજસ્થાને આ સિઝનમાં અહીં છેલ્લી મેચ કોલકાતા નાઈટ રાઈડર્સ સામે રમી હતી. આ મેચમાં KKR એ રાજસ્થાનને 8 વિકેટે હરાવ્યું.

બંન્ને ટીમોની પ્લેઇંગ ઇલેવન

રાજસ્થાન રોયલ્સ: યશસ્વી જયસ્વાલ, સંજુ સેમસન, રિયાન પરાગ (કેપ્ટન), નીતિશ રાણા, ધ્રુવ જુરેલ (વિકેટકીપર), શિમરોન હેટમાયર, શુભમ દુબે, વાનિંદુ હસરંગા, જોફ્રા આર્ચર, મહેશ થીક્ષણા, તુષાર દેશપાંડે, કુમાર કાર્તિકેય/સંદીપ શર્મા

ચેન્નાઈ સુપર કિંગ્સ: રચિન રવિન્દ્ર, રાહુલ ત્રિપાઠી, ઋતુરાજ ગાયકવાડ (કેપ્ટન), શિવમ દુબે, દીપક હુડા/વિજય શંકર, સેમ કુરન, રવિન્દ્ર જાડેજા, એમએસ ધોની (વિકેટકીપર), આર અશ્વિન, નૂર અહેમદ, ખલીલ અહેમદ, મથિશા પથિરાણા