ભારતમાં કુદરતી આફતોને કારણે થતા નુકસાનમાંથી માત્ર 8%ને જ વીમા રક્ષણ

ખાસ-ખબર સંવાદદાતા
તાજેતરમાં ઉત્તર ભારતમાં, ખાસ કરીને હિમાચલ પ્રદેશમાં ભારે પૂર આવ્યું. આ પૂરના કારણે ઘણં નુકસાન થયું છે. પૂરને કારણે કુલ નુકસાન 10,000-15,000 કરોડ રૂપિયા હોવાનો અંદાજ છે. પ્રારંભિક અંદાજો આ રાજ્યમાં જ રૂ. 3,000-4,000 કરોડનું નુકસાન સૂચવે છે. એકંદરે, આ પૂરે ઘણી સમસ્યાઓ ઊભી કરી છે. આમ છતાં ભારતીયો પૂરથી થતા નુકસાન અંગે સજાગ નથી, મોટાભાગના લોકો પાસે વીમા કવચ નથી ભારતમાં, 1900 થી અત્યાર સુધીમાં 764 વિવિધ પ્રકારની કુદરતી આફતો આવી છે. આ આપત્તિઓમાં ભૂસ્ખલન, તોફાન, ભૂકંપ, પૂર, દુષ્કાળ વગેરેનો સમાવેશ થાય છે. જેમાંથી 1900 થી 2000 ની વચ્ચે 402 અને 2001 થી 2022 ની વચ્ચે 361 આફતો આવી હતી.

આનો અર્થ એ થયો કે તાજેતરના વર્ષોમાં આ ઘટનાઓની સંખ્યામાં ચિંતાજનક વધારો થયો છે. હવે ભારતની વાત કરીએ તો દેશમાં કુદરતી આફતોને કારણે થતા નુકસાનમાંથી માત્ર 8 ટકા જ વીમા હેઠળ આવરી લેવામાં આવે છે.

2001થી અત્યાર સુધીમાં કુલ 100 કરોડ લોકો પ્રભાવિત થયા છે અને લગભગ 85,000 લોકો આ આફતોના કારણે મૃત્યુ પામ્યા છે, એમ એક અહેવાલમાં જણાવાયું છે. અને લગભગ 41 ટકા આફતો પૂર અને વાવાઝોડાના સ્વરૂપમાં આવી હતી.

2022માં વિશ્વભરમાં ઘણી બધી કુદરતી આફતો આવી, જેના કારણે કુલ 284 બિલિયન ડોલરનું આર્થિક નુકસાન થયું. તેમાંથી 275 બિલિયન ડોલર આ આફતોને કારણે થયેલા નુકસાનને કારણે હતા. પરંતુ આ નુકસાનમાંથી માત્ર 125 બિલિયન ડોલર વીમા દ્વારા આવરી લેવામાં આવ્યા હતા.