રાજકોટમાં સમલૈંગિક યુવક સાથે સ્નાન કરીને વિડીયો ઉતારી બ્લેકમેલ કરી 1 લાખની મતા પડાવી લીધી

રાજકોટની હોટલ નોવા બ્લિસમાં કોલેજિયન સાથે બનેલો બનાવ

યુવાનો ગ્રાઇન્ડર ડેટિંગ ઍપ્પ મારફતે સંપર્ક થતાં બંને હોટલમાં ગયા હતા

ખાસ-ખબર ન્યૂઝ રાજકોટ

રાજકોટના કાલાવડ રોડ ઉપર આવેલ નોવા હોટલમાં સમલૈંગિક યુવક હોટલના બાથરૂમમાં ન્હાતો હોય તેવો નગ્ન વિડીયો ઉતારી રૂપીયા પડાવી લેતાં તાલુકા પોલીસ મથકમાં ફરીયાદ નોંધાઈ છે 19 વર્ષીય કોલેજીયન યુવાનને ગ્રીન્ડર ડેટીંગ એપ મારફતે સંપર્કમાં આવેલ જામનગરના શખ્સે હોટલમાં બોલાવી બંને કપડા કાઢી સાથે બાથરૂમમાં ન્હાવા ગયાં અને બાદમાં આરોપી બહાર નીકળી વિડીયો ઉતારી લીધો હતો મોબાઈલમાં સ્કેનરથી રૂપીયા પડાવી, આધારકાર્ડ ઝુંટવી ક્રેડિટકાર્ડથી નવો મોબાઈલ પણ લેવડાવી વિડીયો વાયરલ કરી સમાજમાં બદનામ કરી નાંખવાની ધમકી આપી હોવાનું ફરિયાદમાં જણાવતા પોલીસે ગુનો નોંધી આરોપીને દબોચી લીધો છે.

બનાવ અંગે કાલાવડ રોડ પર અવધ રોડ, વિરસાવરકરનગરમાં રહેતા 19 વર્ષીય યુવાને જામનગરના શૈલેન્દ્રસિંહ ઉર્ફે પ્રકાશ સુરેન્દ્રસિંહ નિરબાન સામે તાલુકા પોલીસમાં નોંધાવેલી ફરીયાદમાં જણાવ્યું હતું કે, તે માતા-પિતા અને બહેન સાથે રહે છે. તે કોલેજમાં બી.બી.એ.ના છઠ્ઠા સેમેસ્ટરમાં અભ્યાસ કરે છે અને રાજનગર ચોકમાં આવેલ શલુનમાં કામ કરે છે બે દિવસ પહેલા તેમને ગ્રીન્ડર ડેટીંગ એપ્લીકેશન મારફત એક વ્યક્તી સાથે વિડીયોકોલમાં વાતચીત થઇ હતી. ત્યારબાદ ડેટીંગ એપ્લીકેશન મારફત મેસેજમાં વાતચીત થઈ હતી તા.04ના રોજ તે વ્યક્તીએ મેસેજમાં જણાવેલ કે, હુ રાજકોટ જ આવેલ છુ અને હાલમાં જડૂસ હોટલ પાછળ આવેલ હોટલ નોવાબ્લીસમાં રોકાયેલ છુ અને સાંજના પાંચ વાગ્યે તુ હોટલે મને મળવા માટે આવ જેથી યુવાને હા પાડેલ અને સાંજના પાંચેક વાગ્યે તેણે જણાવેલ હોટલ ખાતે બાઈક લઈ મળવા ગયો હતો બાદમાં યુવાનને આરોપી નિચે મળેલ અને તે રોકાયેલ રૂમમાં લઇ ગયો હતો. ત્યારબાદ બંને વાતચીત કરેલ અને તેને પોતાનું નામ શૈલેન્દ્રસિંહ ઉર્ફે પ્રકાશભાઇ સુરેન્દ્રસિંહ નીરબાન અને પોતે જામનગર રહેતો હોવાનુ જણાવેલ હતું ફરિયાદી યુવાન સમલેંગીક હોય જેથી બંનેએ વાતચીત કરી હતી ત્યારબાદ બંને કપડા કાઢીને બાથરૂમની અંદર નાહવા માટે ગયા હતા. દરમિયાન આરોપી નાહીને બહાર નિકળી ગયો હતો અને બાથરૂમનો દરવાજો ખુલ્લો હોય અને યુવાન કપડા પહેર્યા વિના નાહતો હોય તેને તેની જાણ બહાર નગ્ન વિડિયો ઉતારી લીધો હતો.

બાદમાં યુવાન બહાર આવતા તેને ફોન માંગતા યુવાને પોતાનો ફોન આપેલ હતો અને તેને તેના ફોનમાં કપડા પહેર્યા વિના નાહતો હોય તેવો વિડિયો ઉતારી લીધેલ હોય તે બતાવેલ હતો. જેથી યુવાન ગભરાઇ ગયો હતો યુવાનને વિડીયો વાયરલ કરવાની ધમકી આપી કહેલ કે, બતાવ તારા ખાતામાં કેટલા પૈસા છે જેથી ગભરાઇ ગયેલ યુવાનના એચ.ડી.એફ.સી.બેન્ક એકાઉન્ટમાં 44 હજાર અને કોટક મહિન્દ્રા બેન્ક એકાઉન્ટમાં 26 હજાર હતા આરોપીએ બંને એકાઉન્ટમાંથી સ્કેન કરી 65 હજાર પડાવી લીધા હતા ત્યારબાદ યુવાનનું પાકીટ કાઢી તેમાંથી ક્રેડીટ કાર્ડ લઇ લીધેલ હતું. તેમજ આધાર કાર્ડ અને ફોન તેની પાસે રાખી જાનથી મારી નાખવાની ધમકી આપી યુવાનના જ બાઇકમાં એસ્ટ્રોન ચોક પુજારા ટેલીકોમ પર લઈ ગયેલ હતો અને ત્યાં તેણે એક ઓપો કંપનીનો 36,800નો મોબાઇલ યુવાનના ક્રેડીટ કાર્ડ ઉપર ખરીદ કરેલ હતો અને બીલમાં તેણે તેનુ નામ પ્રકાશભાઇ લખાવેલ હતુ ત્યારબાદ પરત હોટલે આવેલ હતા અને આરોપીએ મોબાઇલમાંથી ડેટીંગ એપ્લીકેશન ડીલીટ કરી નાખેલ અને આધાર કાર્ડ તથા ફોન પરત આપી કહેલ કે, જો હવે તુ કોઈને જાણ કરીશ તો આ તારો વિડીયો હું વાયરલ કરી નાખીશ અને તારી સમાજમાં બદનામી થશે અને તને જીવવા જેવો નહી રાખુ તેવી ધાક ધમકી આપેલ નાસી છૂટ્યો હતો બનાવ અંગેની ફરીયાદ પરથી તાલુકા પોલીસે ગુનો નોંધી પીએસઆઇ બી.આર.ભરવાડ અને ટીમે આરોપી શૈલેન્દ્રસિંહ નિરબાનને જામનગરથી પકડી પાડી કાયદેસરની કાર્યવાહી કરી હતી.