‘શ્રી દિલ્હી ગુજરાતી સમાજ’ના 125 વર્ષ પૂર્ણ થવા નિમિત્તે આયોજિત કાર્યક્રમમાં મુખ્ય અતિથિ તરીકે અમિત શાહે હાજરી આપી અને કહ્યું…
ભારતના આધુનિક ઈતિહાસમાં ગુજરાતીઓના મહત્વપૂર્ણ યોગદાન વિશે કેન્દ્રીય ગૃહમંત્રી અમિત શાહે મોટું નિવેદન આપ્યું છે. વાત જાણે એમ છે કે, દિલ્હીમાં ‘શ્રી દિલ્હી ગુજરાતી સમાજ’ના 125 વર્ષ પૂર્ણ થવા નિમિત્તે આયોજિત કાર્યક્રમમાં મુખ્ય અતિથિ તરીકે અમિત શાહે હાજરી આપી હતી. જ્યાં તેમણે કહ્યું હતું કે, મહાત્મા ગાંધી, સરદાર વલ્લભભાઈ પટેલ, મોરારજી દેસાઈ અને વડાપ્રધાન નરેન્દ્ર મોદીનું ભારતના આધુનિક ઈતિહાસમાં મહત્વપૂર્ણ યોગદાન છે.
- Advertisement -
દિલ્હીમાં ‘શ્રી દિલ્હી ગુજરાતી સમાજ’ના 125 વર્ષ પૂર્ણ થવા નિમિત્તે આયોજિત કાર્યક્રમમાં મુખ્ય અતિથિ તરીકે અમિત શાહે હાજરી આપી હતી. આ પ્રસંગે તેમણે કહ્યું હતું કે, વડાપ્રધાન નરેન્દ્ર મોદીના કારણે ભારતની ખ્યાતિ વિશ્વભરમાં પ્રસરી રહી છે. અમિત શાહે કહ્યું કે, ગાંધીજીના કારણે દેશને આઝાદી મળી, સરદાર સાહેબના કારણે દેશ એક થયો, મોરારજી દેસાઈના કારણે દેશની લોકશાહી પુનઃજીવિત થઈ અને નરેન્દ્ર મોદીના કારણે ભારતનું નામ દુનિયામાં રોશન થયું. તેમણે કહ્યું કે, આ ચાર ગુજરાતી સેલિબ્રિટીઓએ મહાન કાર્યો કર્યા છે અને તેઓ સમગ્ર દેશનું ગૌરવ છે.
શ્રી દિલ્હી ગુજરાતી સમાજના 125 વર્ષ પૂર્ણ થવાના સમારોહમાં ભાગ લીધો.
દિલ્હીમાં વસતા ગુજરાતીઓને તેમની સંસ્કૃતિ અને સભ્યતા સાથે જોડી રાખવાનું તેમજ દેશ અને સમાજની સેવા માટે પ્રેરિત કરવાનું કામ આ સંસ્થાએ કર્યું છે. આ સંસ્થા સાથે જોડાયેલા તમામ લોકોને અભિનંદન પાઠવું છું. pic.twitter.com/COIikabKx1
- Advertisement -
— Amit Shah (@AmitShah) May 18, 2023
શુંકહ્યું અમિત શાહે ?
અમિત શાહે કહ્યું હતું કે, ગુજરાતી સમુદાય દેશ અને દુનિયાભરમાં હાજર છે અને કોઈપણ સમાજની સેવા કરતી વખતે હંમેશા સારી રીતે ભળી ગયો છે. તેમણે કહ્યું કે, દિલ્હીમાં વસતા ગુજરાતીઓને તેમની સંસ્કૃતિ અને સભ્યતા સાથે જોડવા ઉપરાંત આ સંસ્થાએ તેમને દેશ અને સમાજની સેવા કરવા પ્રેરિત કરવાનું કામ કર્યું છે.
ગૃહમંત્રીએ પાઠવ્યા અભિનંદન
ગૃહમંત્રીએ આ સંસ્થા સાથે જોડાયેલા તમામ લોકોને 125 વર્ષ પૂર્ણ થવા પર અભિનંદન પાઠવ્યા હતા. તેમણે કહ્યું કે, ગુજરાતી સમુદાયે પોતાની સ્વીકૃતિ મેળવી છે અને દિલ્હીમાં રહેતા હોવા છતાં ગુજરાતી સમાજે ગુજરાતનું સત્વ જાળવી રાખ્યું છે, તેને આગળ વધાર્યું છે અને તેની સંસ્કૃતિને જાળવી રાખી છે અને આગળ ધપાવી છે. તેમણે કહ્યું કે, દિલ્હીમાં દરેક સમુદાયના લોકો રહે છે અને ગુજરાતી સમુદાય પણ શહેરમાં વ્યવસ્થિત રીતે રહે છે.
'શ્રી દિલ્હી ગુજરાતી સમાજ'ના 125 વર્ષ પૂર્ણ થવાના અવસર પર આયોજિત કાર્યક્રમને સંબોધિત કરી રહ્યો છું. https://t.co/GSajYKvWd4
— Amit Shah (@AmitShah) May 18, 2023
વડાપ્રધાન મોદીને લઈ શું કહ્યું ?
વડાપ્રધાન મોદીના નવ વર્ષના કાર્યકાળનો ઉલ્લેખ કરતા અમિત શાહે કહ્યું કે, આ સમયગાળા દરમિયાન દેશે ઘણી સિદ્ધિઓ હાંસલ કરી છે. તેમણે કહ્યું કે, 2014માં મોદી જ્યારે વડાપ્રધાન બન્યા ત્યારે ભારતની અર્થવ્યવસ્થા વિશ્વમાં 11મા ક્રમે હતી અને આજે નવ વર્ષ પછી ભારત વિશ્વની 5મી સૌથી મોટી અર્થવ્યવસ્થા છે. ગૃહમંત્રીએ કહ્યું કે, હવે IMF સહિત ઘણી એજન્સીઓ ભારતની અર્થવ્યવસ્થાને એક તેજસ્વી સ્થાન તરીકે જુએ છે.
