પ્લાસ્ટિકની સ્ટ્રોથી જ્યૂસ પીતા હોય તો ચેતી જજો, જાણો તેના ગેરફાયદા

આપણા શરીર માટે પ્લાસ્ટિક હાનીકારક છે ત્યારે આપણે રોજીંદા જીવનમાં ઘણા પ્લાસ્ટીકનો ઉપયોગ કરીએ છીએ, તેમાંથી આપને આજે પ્લાસ્ટિકની સ્ટ્રોના ગેરફાયદા જોઈએ.

શું તમે પણ પ્લાસ્ટિકના સ્ટ્રોમાંથી પાણી અથવા જ્યુસ પીવો છો? તો તમારે આ આદતને તરત જ બદલવી જોઇએ કારણ કે તમને સ્વાસ્થ્ય અને ત્વચાને લગતા ઘણા નુકસાન થઇ શકે છે.ચાલો અમે તમને અહીં જણાવીએ કે તમારે પ્લાસ્ટિક સ્ટ્રોનો ઉપયોગ કેમ ન કરવો જોઇએ અને તે તમારા સ્વાસ્થ્યને કેવી રીતે નુકસાન પહોંચાડી શકે છે.

પ્લાસ્ટિક સ્ટ્રોનો ઉપયોગ કરવાના ગેરફાયદા:-

વજન વધે છે
જણાવી દઈએ કે સ્ટ્રોની મદદથી તમે ખરેખર જોઈએ તેના કરતા વધારે જ્યુસ અથવા કોલ્ડ કોફી પીવો છો. સાથે જ હાઈ કેલરીવાળા સોફ્ટ ડ્રિંક્સના નાના-નાના ઘૂંટડાથી તમારું વજન વધી શકે છે, તેનાથી તમારી ભૂખ પણ વધી જાય છે, જે તમારા શરીરને નુકશાન પહોંચાડી શકે છે.

દાંતમાં સડો થવાનું જોખમ
દાંતમાં સડો, કેવિટી અને અન્ય ઓરલ સ્વાસ્થ્ય સમસ્યાઓ મોટા ભાગે જંક ફૂડ ખાવાથી અને એરેટેડ પીણાં પીવાથી થાય છે. જ્યારે આ સમસ્યાઓ સ્ટ્રોની મદદથી પણ થઈ શકે છે જ્યારે તમે પ્લાસ્ટિક સ્ટ્રોનો ઉપયોગ કરીને કંઈક પીવો છો, તે તમારા દાંત અને ઈનેમલ સીધા સ્પર્શે છે, તે તમારી દાઢને નુકસાન પહોંચાડે છે.

એજિંગ સંકેત
જ્યારે તમે કોઈ વસ્તુમાં સ્ટ્રોનો ઉપયોગ કરીને પીવો છો, ત્યારે તમે તમારા મોંમાં ડ્રિંક ચૂસવા માટે તમારા હોઠમાંથી એક પાઉટ બનાવો છો. આ પ્રવૃત્તિનું પુનરાવર્તન કરવાથી તમારા હોઠની આજુબાજુ સુક્ષ્મ રેખાઓ અને કરચલીઓ તેમજ તમારી આંખોની નજીક કરચલીઓ દેખાવા લાગી શકે છે.

શરીરના હોર્મોન્સમાં અસર
પ્લાસ્ટિક સ્ટ્રો પૉલીપ્રોપીલિનમાંથી બને છે જ્યારે તમે ડ્રિંક પીવો છો તો તે સીધા તમારા શરીરમાં જઇને તમારા શરીરના હોર્મોન્સના લેવલને પણ અસર કરી શકે છે.