પોલીસ હેડ ક્વાર્ટર ખાતે CP રાજુ ભાર્ગવ, SP જયપાલસિંહ રાઠોડ, મ્યુ.કમિશનર આનંદ પટેલ, DDO દેવ ચૌધરી સહિતના પતંગોત્સવમાં જોડાયા
ખાસ-ખબર સંવાદદાતા
આજે દેશભરમાં મકર સંક્રાંતિની ઉજવણી ચાલી રહી છે. ત્યારે નાગરિકોની સુરક્ષા અને સલામતી માટે હંમેશા ખડે પગે રહેતા હોય તેવા પોલીસ અધિકારીઓ અને જવાનોએ એક સાથે ઉજવણી કરી હતી. શહેર પોલીસના હેડ કવાર્ટર ખાતે કરાયેલા આયોજનમાં સવારે 10 વાગ્યાથી પોલીસ અધિકારીઓ અને તેમની સાથે આઇએએસ અધિકારીઓ પણ પરિવારજનો સાથે પહોંચ્યા હતા. ઓરેન્જ ટી શર્ટમાં સજજ પોલીસ કમિશનર રાજુ ભાર્ગવ તેમના ધર્મ પત્ની અને પુત્રી સાથે પતંગની મજા માણી હતી. તો રાજકોટ મ્યુનિસિપલ કમિશનર આનંદ પટેલ પણ તેમની પુત્રી અને ધર્મ પત્ની સાથે પતંગ ચગાવી હતી. આ ઉપરાંત જિલ્લા પોલીસ વડા જયપાલસિંહ રાઠોડે પરિવાર સાથે પતંગ ચગાવી હતી. જિલ્લા વિકાસ અધિકારી દેવ ચૌધરીએ પણ પતંગ ચગાવી હતી. આ ઉપરાંત ડીસીપી ક્રાઇમ પાર્થરાજસિંહ ગોહિલ, ડીસીપી ઝોન 1 સજનસિંહ પરમાર, ડીસીપી ઝોન 2 સુધીર દેસાઈ, એસીપી સાયબર ક્રાઇમ વિશાલ રબારી, એસીપી ટ્રાફિક જે.બી. ગઢવી, એસીપી ભાર્ગવ પંડ્યા, ક્રાઇમ બ્રાંચ પીઆઈ વાય.બી.જાડેજા, એસઓજી પીઆઈ જે.ડી. ઝાલા સહિતના અધિકારીઓ પણ તેમના પરિવાર જોડાયા હતા.
