યુપીમાં વીજળી પડતા 10ના મોત; ચોમાસું 3 દિવસમાં દિલ્હી-હરિયાણા પહોંચશે
ખાસ-ખબર ન્યૂઝ નવી દિલ્હી, તા.20
છેલ્લા બે દિવસમાં રાજસ્થાન, મધ્યપ્રદેશ, ગુજરાત, ઝારખંડ, બિહાર અને ઉત્તર પ્રદેશમાં ચોમાસાએ એન્ટ્રી કરી છે. ભારે વરસાદને કારણે ગુજરાતના અમદાવાદ, વાપી અને રાજકોટમાં રસ્તાઓ, ઘરો અને દુકાનોમાં પાણી ભરાઈ ગયા હતા. સાવરકુંડલા અને રાજુલામાં નદીઓ છલકાઈ ગઈ છે.
- Advertisement -
ઉત્તર પ્રદેશના લખનઉ-સીતાપુરમાં આખી રાત વરસાદ પડ્યો. અમેઠીમાં એટલો વરસાદ પડ્યો કે એસપી ઓફિસ અને ગૌરીગંજ પોલીસ સ્ટેશનમાં પાણી ભરાઈ ગયા.
ફાયર બ્રિગેડની ટીમે એસપી ઓફિસમાંથી પાણી કાઢ્યું. તેમજ, વીજળી પડવાથી 24 કલાકમાં 10 લોકોના મોત થયા છે. ચોમાસાની એન્ટ્રી પછી પણ રાજસ્થાનના કેટલાક વિસ્તારોમાં ગરમી યથાવત છે. જેસલમેરમાં 44.6 ડિગ્રી તાપમાન નોંધાયું હતું. આ દરમિયાન, જમ્મુ અને કાશ્મીરના શ્રીનગર સહિત ખીણના ઘણા વિસ્તારોમાં ગુરુવાર સૌથી ગરમ દિવસ રહ્યો હતો. અહીં તાપમાન 35.2 ડિગ્રી હતું.
હવામાન વિભાગે આજે પૂર્વી ઉત્તર પ્રદેશ, છત્તીસગઢ, ઝારખંડ અને મધ્ય મહારાષ્ટ્ર, નાગાલેન્ડ, મણિપુર, મિઝોરમ અને ત્રિપુરામાં વરસાદ માટે ઓરેન્જ એલર્ટ જારી કર્યું છે. આગામી 2-3 દિવસમાં ચોમાસુ દિલ્હી અને હરિયાણા અને પંજાબના કેટલાક ભાગોમાં પહોંચવાની ધારણા છે.
પશ્ચિમ મહારાષ્ટ્રમાં, ઇન્દ્રાયણી અને કેટલીક અન્ય નદીઓમાં પૂર આવ્યું છે. નાસિકમાં, ભારે વરસાદને કારણે ગોદાવરી નદી બે કાંઠે વહી રહી છે. અહીંના ઘણા મંદિરો ગોદાવરીના પાણીમાં ડૂબી ગયા છે.કાનપુરના કુર્સેડા ગામમાં એક વ્યક્તિનું, બિધાનુના ચંપતપુર ગામમાં એક વ્યક્તિનું અને ભારુ ગામમાં એક મહિલાનું મોત થયું. કૌશાંબીમાં 4 બાળકોના મોત થયા.
ચિત્રકૂટમાં વીજળી પડવાથી એક યુવાનનું પણ મોત થયું.પૂર્વી ઉત્તર પ્રદેશ, પૂર્વી મધ્ય પ્રદેશમાં વરસાદ માટે ઓરેન્જ એલર્ટ. ગુજરાત, મધ્ય મહારાષ્ટ્ર, કોંકણ-ગોવા, પૂર્વી રાજસ્થાન, હિમાચલ, પંજાબ, હરિયાણા, ચંદીગઢ, દિલ્હી, બિહાર, ઝારખંડ, છત્તીસગઢ, ઓડિશા, આસામ, મેઘાલય, કર્ણાટક, અરુણાચલ પ્રદેશમાં ભારે વરસાદની ચેતવણી આપવામાં આવી છે.
હિમાચલ, ઉત્તરાખંડ, બિહાર, ગુજરાત, આસામ, મેઘાલય, અરુણાચલ, નાગાલેન્ડ, મણિપુર, મિઝોરમ અને ત્રિપુરામાં વરસાદ માટે ઓરેન્જ એલર્ટ છે. જ્યારે મધ્ય મહારાષ્ટ્ર, કોંકણ-ગોવા, પૂર્વ રાજસ્થાન, હિમાચલ, પંજાબ, હરિયાણા, ચંદીગઢ, દિલ્હી, ઝારખંડ, છત્તીસગઢ, ઓડિશા, કર્ણાટક, ઉત્તર પ્રદેશ, ઓડિશા, બંગાળ, સિક્કિમ, કેરળ, મધ્ય પ્રદેશમાં ભારે વરસાદની ચેતવણી છે.
મહારાષ્ટ્રમાં નદીઓ ભયજનક નિશાનથી ઉપર, રાયગઢમાં આજે સ્કૂલો- કોલેજો બંધ
ગુરુવારે રાત્રે મહારાષ્ટ્રના અનેક જિલ્લાઓમાં ભારે વરસાદ પડતાં હવામાન વિભાગે ચેતવણી આપી હતી. આના કારણે ઘણી નદીઓ ભયજનક નિશાનથી ઉપર વહી રહી છે. રાયગઢમાં અંબા અને કુંડલિકા નદીઓ ભયજનક નિશાનને પાર થઈ ગઈ છે. તેમજ, પાતાળગંગા નદી માટે પણ ચેતવણી આપવામાં આવી છે. રત્નાગિરીમાં જગબુડી નદી પણ ભયજનક નિશાનથી ઉપર વહી રહી છે. સાવચેતીના પગલા રૂપે, રાયગઢ જિલ્લાની તમામ સ્કૂલો અને કોલેજો આજે માટે બંધ રાખવામાં આવી છે.
બિહાર-બંગાળમાં પણ નદીઓ અને નાળાઓ પૂરમાં
આ ઉપરાંત, બિહાર અને પ.બંગાળમાં પણ પરિસ્થિતિ ખરાબ નથી, નદીઓ અને નાળાઓ પૂરમાં છે, બિહારના ઘણા શહેરોમાં નદીઓ પોતાના કાંઠા તોડીને શહેરોમાં પ્રવેશી છે, કયાંક કાર તરતી છે અને કયાંક લોકો ફસાયેલા છે, બંગાળમાં પણ આવી જ સ્થિતિ છે, ભારે વરસાદ બાદ પ.બંગાળના ઘણા શહેરોમાં પૂરની સ્થિતિ છે.
