સપ્તાહના પ્રથમ દિવસે જ સોનાંના ભાવનો નવો રેકોર્ડ: 63,896 રૂપિયા પ્રતિ 10 ગ્રામ લેખે ટ્રેડ થયું

ખાસ-ખબર સંવાદદાતા
સપ્તાહના પહેલા કારોબારી દિવસે સોનાએ ભૂક્કા બોલાવી દીધા છે. આજે ફરીથી સોનું તેની નવી ઓલ ટાઈમ હાઈ પર પહોંચી ગયું છે. હવે લગ્નની સિઝન નજીક આવતા ધીમે-ધીમે સોનું મોંઘુ થતુ જોવા મળી રહ્યું છે. તો બીજી બાજું ચાંદી પણ સતત ઉપર જઈ રહ્યું છે. આજે એમસીએક્સ પર ફેબ્રુઆરીના વાયદાનું સોનું 0.85 ટકાના વધારા સાથે 63,896 રૂપિયા પ્રતિ 10 ગ્રામ લેખે ટ્રેડ કરી રહ્યું છે, બીજી તરફ માર્ચના વાયદાનું ચાંદી 0.23 ટકાના વધારા સાથે 78,270 રૂપિયા પ્રતિ કિલોગ્રામ લેખે ટ્રેડ કરી રહ્યું હતું. સોના-ચાંદીમાં વૈશ્વિક સ્તરે દબાણ જોવા મળ્યા બાદ સ્થાનિક સ્તરે પણ આ જ સ્થિતિ જોવા મળી રહી છે. અહીં મહત્વનું છે કે નવા આર્થિક વર્ષમાં સોનાએ છેલ્લા 6 મહિના બાદ નવી રેકોર્ડ સપાટીને સ્પર્શીને તેની નવી રેકોર્ડ મત 62,834 રુપિયાના સ્તરે બનાવી છે. આજે એમસીએક્સ પર ફેબ્રુઆરીના વાયદાનું સોનું 0.85 ટકાના વધારા સાથે 63,896 રૂપિયા પ્રતિ 10 ગ્રામ લેખે ટ્રેડ કરી રહ્યું છે, બીજી તરફ માર્ચના વાયદાનું ચાંદી 0.23 ટકાના વધારા સાથે 78,270 રૂપિયા પ્રતિ કિલોગ્રામ લેખે ટ્રેડ કરી રહ્યું હતું. ઓગસ્ટ 2020 બાદ લગભગ અઢી વર્ષ પછી 2 ફેબ્રુઆરીના રોજ સોનાએ 58 હજારની સપાટી પાર કરી અને 58,660 રુપિયાની ટોચે પહોંચીને નવો રેકોર્ડ બનાવ્યો હતો. જોકે ત્યારબાદ સતત દોઢ-બે મહિને સોનું નવી નવી રેકોર્ડ કિંમતની સપાટી બનાવી રહ્યું છે. તેવામાં છેલ્લે એટલે કે 5 મે 2023ના રોજ સોનાએ ફરી અસામાન્ય રીતે ઉછળીને પોતાની નવી રેકોર્ડ કિંમત બનાવી હતી. ખઈડ પર નોંધાયેલ આ નવી રેકોર્ડ કિંમત મુજબ એક તોલા સોનું 61,552 રુપિયા પર ટ્રેડ થયું હતું.