સૌરાષ્ટ્ર ક્રિકેટ એસો. ખાસ કિસ્સામાં રૂરલ ડીસ્ટ્રીકની માન્યતા આપેતો ઘર આંગણેજ સિલેક્શનની સુવિધા મળે
ખાસ-ખબર સંવાદદાતા
તાલાલા તાલુકાના વિરપુર ગીર ગામે ગીર ક્રિકેટ એસોસિએશન દ્વારા રૂલ્સ એન્ડ રેગ્યુલર પ્રમાણે નેશનલ કક્ષાનું ક્રિકેટ ગ્રાઉન્ડ તૈયાર થતા ક્રિકેટ પ્રેમી યુવા ધનમાં ખુશી જોવા મળે છે.
એસોસિએશનના કોચ ભાવિકસિંહ ગોહિલ, પ્રમુખ આર.ડી.કાલાવડીયાએ વિગત હતીકે તાલાલા પંથકના છેવાડાના ક્રિકેટ પ્રેમી યુવાનોમાં પડેલી રમત પ્રત્યે અવેરનેસ વધે,યુવાનો ની ક્ષમતા બહાર લાવવાના મુખ્ય ધ્યેય સાથે વીરપુર ગીર ગામે પ્રકૃતિના સાનિધ્યમાં 13 વીઘા જમીનમાં 65 મીટર બાઉન્ડ્રી સાથે નેશનલ કક્ષાનું ક્રિકેટ ગ્રાઉન્ડ તૈયાર કરવામાં આવેલ છે આ ગ્રાઉન્ડમાં ચાર ટફ વિકેટ,એક એસ્ટ્રોટફ વિકેટ, ત્રણ સિમેન્ટ વિકેટ,પ્રેક્ટિસ માટે બે ટફ વિકેટ સાથે સીઝન બોલ ક્રિકેટને પ્રોત્સાહન આપતું ગીર સોમનાથ જિલ્લાનું પ્રથમ ક્રિકેટ મેદાન તૈયાર થયું છે,જેમાં અત્યારે 100 જેટલા રમતવીર યુવાનો ક્રિકેટ રમી રહ્યા છે તેમજ આ ગ્રાઉન્ડમાં ઇન્ટર એકેડેમી મેચો રમાઈ રહ્યા છે.
નેશનલ કક્ષાના ક્રિકેટ ગ્રાઉન્ડને રૂરલ ડીસ્ટ્રીકની માન્યતા આપવા માંગણી કરવામાં આવી છે તો આ માંગણીનો સ્વીકાર કરવામાં આવે તો તાલાલા પંથક સહિત ગીર સોમનાથ જિલ્લાના ગ્રામ્ય વિસ્તારમાં વસવાટ કરતા રમતવીર યુવાનોમાં સીઝન ક્રિકેટ બાબતે જાગૃતિ આવે તેમજ ડીસ્ટ્રીક લેવલના મેચોમાં રમવાની તક મળે તથા સિલેક્શન માટે અન્ય ડિસ્ટ્રિક્ટમાં જવું પડે નહીં, તાલાલા પંથકના ક્રિકેટ પ્રેમી યુવાનોનાં વિશાળ હિત માટે સૌરાષ્ટ્ર ક્રિકેટ એસોસિએશનની ટીમ વીરપુર ગીર ગામે તૈયાર થયેલ નેશનલ કક્ષાના ક્રિકેટ ગ્રાઉન્ડની મુલાકાત લઈ ગીર ક્રિકેટ એસોસિએશનને ખાસ કિસ્સામાં રૂરલ ડિસ્ટ્રિક્ટની માન્યતા આપી યુવાનોને આગળ વધવાની ઉમદા તક આપે તેવી પ્રબળ લોક માંગણી યુવાનોમાંથી ₹
ઉઠી છે.
