શ્રાવણ માસના પવિત્ર પ્રથમ સોમવારે, ગુજરાતના પૂર્વ રાજ્યપાલ વજુભાઈ વાળા અને રાજકોટ શહેરના અનેક જાણીતા અગ્રણીઓએ દેવાધિદેવ સોમનાથ મહાદેવના દર્શન કરી ધન્યતા અનુભવી હતી. આ પવિત્ર દિવસે વજુભાઈ વાળા અને તેમની સાથે આવેલા અગ્રણીઓએ સોમનાથ મહાદેવ મંદિરમાં વિધિવત પૂજા-અર્ચના કરી, ભગવાન ભોળાનાથના આશીર્વાદ પ્રાપ્ત કર્યા હતા. આ અવસરે, સોમનાથ મંદિરના મેનેજર અને સમગ્ર સ્ટાફ દ્વારા શ્રી વજુભાઈ વાળાનું ઉષ્માભર્યું સન્માન કરવામાં આવ્યું હતું. વજુભાઈ વાળાએ સોમનાથ મહાદેવના દર્શન કરીને પ્રવર્તમાન રાજકીય અને સામાજિક સ્થિતિ અંગે પણ ચિંતન કર્યું હતું, અને સૌરાષ્ટ્રના આ પાવન તીર્થધામની મુલાકાતને યાદગાર ગણાવી હતી. શ્રાવણ માસના પ્રારંભે જ સોમનાથ મહાદેવના દર્શન કરવાનો લહાવો મળવાથી તેઓ સંતોષ વ્યક્ત કર્યો હતો.
