એલિસબ્રિજની તક્ષશિલા એર બિલ્ડિંગના 12 માળે લાગેલી આગ પર ફાયરવિભાગની ટીમે કાબૂ મેળવી લીધો છે. આ આગ કયા કારણોસર લાગી હતી તે હજી સ્પષ્ટ થયું નથી.
અમદાવાદના એલિસબ્રિજ વિસ્તારમાં તક્ષશિલા એર બિલ્ડિંગના 12માં માળે આગ લાગવાની ઘટના બની હતી. વહેલી સવારે આગ લાગતા આસપાસના વિસ્તારમાં અફરા તફરા મચી હતી. ઘટનાની જાણ થતા ફાયર બ્રિગેડની 5 ગાડીઓ ઘટના સ્થળે પહોંચી હતી. તેમજ ઘટના સ્થળ પર ફાયર બ્રિગેડના જવાનોની ટીમની સાથે તેમના અધિકારી પણ દોડી આવ્યાં હતા. ફાયર વિભાગે હાલ તો આગ પર કાબૂ મેળવ્યો છે. પરંતુ આગ લાગવાનું કારણ હજુ સુધી જાણી શકાયું નથી. આ આગની ઘટનામાં ઘરના ફર્નિચરને પણ મોટા પ્રમાણ નુકસાન પહોંચ્યું છે.
- Advertisement -
તક્ષશિલા હાયર બિલ્ડિંગના 12માં માળે લાગી હતી આગ
શહેરમાં છેલ્લા ઘણા સમયથી ભૂવા, આગ, મકાન ધરાશાઈ અને બાંધકામ દરમિયાન મજૂરોના મોત થવાના કિસ્સા બની રહ્યા છે. તેવામાં આજે વહેલી સવારે શહેરના એલિસબ્રિજ વિસ્તારમાં આવેલ તક્ષશિલા એર બિલ્ડિંગના 12માં માળે આવેલા એક ફ્લેટમાં આગ લાગી હતી. આ અંગેની જાણ થતાં જ ફાયરની 5 જેટલી ગાડીઓ તાત્કાલિક ઘટના સ્થળે દોડી આવી હતી. તો ડેપ્યુટી કમિશ્નર રમેશ મેરજા ઘટના પણ સ્થળે પહોંચ્યા હતા. ફાયરના જવાનોએ પાણીમારો ચલાવી આગ પર કાબૂ મેળવવાની તજવીજ હાથ ધરી હતી.
ફાયરની 5 ગાડીઓ પહોંચી હતી ઘટના સ્થળે
આ દરમિયાન ફાયરબ્રિગેડની ટીમ દ્વારા બિલ્ડિગમાં ફસાયેલા લોકોનું રેસ્ક્યૂ કરવામાં આવ્યું હતું. 2 વૃદ્ધ લોકોના શ્વાસ રૂંધાતા તેઓને હોસ્પિટલ ખસેડવામાં આવ્યા હતા. ફાયર વિભાગની ટીમે ભારે જહેમત બાદ આગ પર કાબૂ મેળવ્યો હતો. આ આગ કયા કારણોસર લાગી હતી તે હજી સ્પષ્ટ થયું નથી. સદનસીબે આ દુર્ઘટનામાં કોઇ જાનહાની થઈ નથી.
ગ્રીન ઓર્કિડ બિલ્ડિંગમાં લાગી હતી આગ
અત્રે ઉલ્લેખનીય છે કે, ગયા મહિને શહેરના શાહીબાગ વિસ્તારના ગ્રીન ઓર્કિડ બિલ્ડિંગના સાતમા માળે એક ફ્લેટમાં આગ લાગી હતી. આ દુર્ઘટનામાં એક કિશોરી ગંભીર રીતે દાઝી ગઈ હતી. તેનું સારવાર દરમિયના મોત નીપજ્યું હતું. જોકે, પરિવારના ચાર સભ્યો બહાર નીકળી જતાં તેમનો બચાવ થયો હતો. ઘટનાની જાણ થતાં જ ફાયર બ્રિગેડની ટીમો ઘટના સ્થળે પહોંચીને આગળની કાર્યવાહી હાથધરી હતી.
