પ્રખ્યાત હોલિવૂડ એક્ટર થોમસ જ્યોફ્રી વિલ્કિન્સને 75 વર્ષની વયે અંતિમ શ્વાસ લીધા, ઓસ્કારમાં હતા નૉમિનેટેડ

પ્રખ્યાત હોલિવૂડ એક્ટર થોમસ જ્યોફ્રી વિલ્કિન્સન ઉર્ફે ટોમ વિલ્કિન્સન રહ્યાં નથી. અભિનેતાએ 75 વર્ષની વયે અંતિમ શ્વાસ લીધા. ટોમ વિલ્કિન્સન બાફ્ટા અને ગોલ્ડન ગ્લોબ જેવા એવોર્ડ જીતી ચૂક્યા છે

એક તરફ વર્ષ 2023 સમાપ્ત થવામાં હવે ગણતરીના કલાકો જ બાકી છે. આ દરમિયાન ફેન્સ માટે એક ખરાબ સમાચાર સામે આવ્યા છે. છેલ્લા ચાર દાયકાથી પોતાની ફિલ્મો દ્વારા દર્શકોનું મનોરંજન કરનાર પ્રખ્યાત હોલીવુડ અભિનેતા થોમસ જ્યોફ્રી વિલ્કિન્સન ઉર્ફે ટોમ વિલ્કિન્સનનું નિધન થયું છે. અભિનેતા હવે આ દુનિયામાં નથી. ટોમ વિલ્કિન્સન તેમના નામ પર બાફ્ટા અને ગોલ્ડન ગ્લોબ જેવા એવોર્ડ ધરાવે છે.

Very sad to hear that #TomWilkinson has passed away. Such a brilliant actor. #RIP pic.twitter.com/apbH98Nitj

— Just G (@LL_Cool_G007) December 30, 2023

હોલીવુડ ઈન્ડસ્ટ્રીમાં શોકનો માહોલ

ટોમ વિલ્કિનસનનું ગઈકાલે એટલે કે 30 ડિસેમ્બર 2023ના રોજ અવસાન થયું હતું. તેમના નિધનના સમાચાર સામે આવ્યા બાદ હોલીવુડ ઈન્ડસ્ટ્રીમાં શોકનો માહોલ છે. તેના પરિવાર દ્વારા જારી કરાયેલા નિવેદન બાદ બધાને આ વાતની ખબર પડી. પરિવારના નિવેદનમાં જણાવવામાં આવ્યું છે કે, ખૂબ જ દુઃખની વાત છે કે ટોમ વિલ્કિન્સનનું 30 ડિસેમ્બરના રોજ ઘરે અચાનક નિધન થયું છે. આ દરમિયાન અભિનેતાની પત્ની અને પરિવારજનો તેમની સાથે હતા.

I am very sad to hear the passing of Tom Wilkinson. I had a very great time getting to know him and working with him. One of our wonderful legends that we say goodbye to. Bye for now Tom x pic.twitter.com/zh2JImXgeK

— Aneurin Barnard 🎥 (@aneurinBarnard) December 30, 2023

નિધનના સમાચારથી દરેકને મોટો આઘાત લાગ્યો

જોકે, આ નિવેદનમાં ટોમ વિલ્કિનસનના મૃત્યુનું કારણ જણાવવામાં આવ્યું નથી. અભિનેતાના નિધનના સમાચારથી દરેકને મોટો આઘાત લાગ્યો છે. હોલિવૂડ સ્ટાર્સ પીઢ અભિનેતા ટોમ વિલ્કિનસનના નિધન પર સોશિયલ મીડિયા પર શોક વ્યક્ત કરી રહ્યા છે. તેની કો-સ્ટાર એન્યુરિન બર્નાર્ડ ફ્રોમ ડેડ ઇન અ વીક ટ્વીટ કરીને પોતાનું દુઃખ વ્યક્ત કર્યું છે. તેણે લખ્યું છે કે તે ટોમ વિલ્કિનસનના મૃત્યુના સમાચારથી ખૂબ જ દુઃખી છે. અભિનેતાએ તેની પોસ્ટમાં આગળ લખ્યું કે તેણે ટોમ વિલ્કિન્સન સાથે કામ કરવા અને તેને જાણવામાં ઘણો સારો સમય પસાર કર્યો. અમારા મહાન દંતકથાઓમાંથી એક અમે તેને અલવિદા કહીએ છીએ. તમને જણાવી દઈએ કે, એન્યુરિન સિવાય ફિલ્મ નિર્માતા સ્કોટ ડેરિકસન અને ગેરેટ હેડલન્ડે પણ સોશિયલ મીડિયા પર દુઃખ વ્યક્ત કર્યું છે. ટોમ વિલ્કિનસનના નિધનના સમાચારથી દરેક વ્યક્તિ ખૂબ જ દુઃખી છે.