ઓછામાં ઓછી 120 શાળાઓ પૂરના પાણીથી ભરાઈ ગઈ હતી, જેના કારણે અંદાજે 2.6 કરોડ ડોલરથી વધુનું નુકસાન થયું
દક્ષિણ આફ્રિકામાં, ડરબન શહેરમાં અને પૂર્વીય ક્વાઝુલુ-નાતાલ પ્રાંતમાં ભારે વરસાદ અને પૂરમાં ઓછામાં ઓછા 306 લોકોના મોત થયા છે. આગામી દિવસોમાં વાવાઝોડા સાથે વરસાદ ચાલુ રહેવાની આગાહી કરવામાં આવી છે. અધિકારીઓએ ગુરુવારે જણાવ્યું હતું કે મૃત્યુઆંક વધવાની ધારણા છે કારણ કે ઘણા પરિવારો ગુમ છે. અવિરત વરસાદને કારણે પ્રાંતમાં દુર્ઘટના સર્જાઈ છે, જેમાં મકાનો ધરાશાયી થયા છે, અનેક ઈમારતોને નુકસાન થયું છે અને મહત્વના રસ્તાઓ ધોવાઈ ગયા છે.
- Advertisement -
ઇથાક્વિની મેયર મેકાયલોસી કુંડાએ ગુરુવારે જણાવ્યું હતું કે ડરબન અને આસપાસના ઇથાક્વિની મેટ્રોપોલિટન વિસ્તારમાં અંદાજે 5.2 અબજ ડોલરનું નુકસાન થવાનો અંદાજ છે. ઓછામાં ઓછી 120 શાળાઓ પૂરના પાણીથી ભરાઈ ગઈ હતી, જેના કારણે અંદાજે 2.6 કરોડ ડોલરથી વધુનું નુકસાન થયું હતું અને સત્તાવાળાઓએ પ્રાંતમાં શાળાઓને અસ્થાયી રૂૂપે બંધ કરી દીધી છે.
શિક્ષણ પ્રધાન એન્જી મોશેગાએ જણાવ્યું હતું કે પૂરમાં વિવિધ શાળાના ઓછામાં ઓછા 18 વિદ્યાર્થીઓ અને એક શિક્ષકના મોત થયા છે. આજે એક નિવેદનમાં, તેમણે કહ્યું, તે એક દુર્ઘટના છે અને તેના કારણે મોટું નુકસાન
થયું છે.
ચિંતાની વાત એ છે કે વરસાદ ચાલુ રહેવાની શક્યતા છે અને પહેલાથી જ અસરગ્રસ્ત વિસ્તારોમાં સ્થિતિ વધુ વણસી જવાની આશંકા છે.પોલીસે લોકોને હટાવવા માટે સ્ટેનગનનો ઉપયોગ કર્યો હતો. દક્ષિણ આફ્રિકાના રાષ્ટ્રીય સંરક્ષણ દળને રાહત અને કામગીરીમાં મદદ કરવા માટે તૈનાત કરવામાં આવી છે.
