ખાસ-ખબર ન્યૂઝ અમેરિકા
ઈલોન મસ્કની બ્રેઈન-ચીપ સ્ટાર્ટઅપ કંપની ન્યુરાલિંકે અંધ લોકો માટે એક ઉપકરણ બનાવ્યું છે. કંપનીનો દાવો છે કે, આ ડિવાઈસ એવા લોકોને પણ જોવામાં મદદ કરશે જેમણે પોતાની બંને આંખો ગુમાવી દીધી છે. તેને ફૂડ એન્ડ ડ્રગ એડમિનિસ્ટ્રેશન તરફથી મંજૂરી મળી છે. ન્યુરાલિંકે આ ડિવાઈસને બ્લાઈન્ડસાઈટ નામ આપ્યું છે.
મસ્કે કહ્યું કે, આ ઉપકરણ એવા લોકો માટે મદદરૂપ થશે જેમણે પોતાની બંને આંખો ગુમાવી દીધી છે અથવા જેમની ઓપ્ટિક નર્વને નુકસાન થયું છે. એવો પણ દાવો કરવામાં આવ્યો છે કે આ ઉપકરણ જેઓ જન્મથી જ અંધ છે તેમને જોવામાં મદદ કરશે.
- Advertisement -
મસ્કએ કહ્યું કે, આ ઉપકરણ શરૂઆતમાં ઓછા રિઝોલ્યુશનમાં જોવા મળશે. ધીરે ધીરે દૃષ્ટિ સુધરશે. એટલું જ નહીં, ઉપકરણ ઇન્સ્ટોલ કરનાર વ્યક્તિ ઇન્ફ્રારેડ અને અલ્ટ્રાવાયોલેટ તરંગો પણ જોઈ શકશે.
ઈલોન મસ્કએ પોસ્ટમાં જ્યોર્ડી લા ફોર્જનો ફોટો પણ શેર કર્યો છે. જ્યોર્ડીએ સ્ટાર ટ્રેક: ધ નેક્સ્ટ જનરેશન શ્રેણીમાં અભિનય કર્યો હતો. સિરીઝમાં તેણે એક વ્યક્તિનું પાત્ર ભજવ્યું હતું જે જન્મથી જ અંધ છે, પરંતુ ગેજેટની મદદથી જોઈ શકે છે. ઈલોન મસ્કએ પોસ્ટમાં જ્યોર્ડી લા ફોર્જનો ફોટો પણ શેર કર્યો છે. જ્યોર્ડીએ સ્ટાર ટ્રેક: ધ નેક્સ્ટ જનરેશન શ્રેણીમાં અભિનય કર્યો હતો. સિરીઝમાં તેણે એક વ્યક્તિનું પાત્ર ભજવ્યું હતું જે જન્મથી જ અંધ છે, પરંતુ ગેજેટની મદદથી જોઈ શકે છે.
યુએસ સરકારે ન્યુરાલિંકના બ્લાઇન્ડસાઇટ ડિવાઇસને બ્રેકથ્રુ ડિવાઇસનો હોદ્દો આપ્યો છે. આ હોદ્દો એવા ઉપકરણોને આપવામાં આવે છે જે જીવન માટે જોખમી પરિસ્થિતિઓને રોકવામાં મદદ કરે છે.
અગાઉ, મસ્કે જણાવ્યું હતું કે, ન્યુરાલિંક આ વર્ષે 8 દર્દીઓના મગજમાં એક ચિપ ઇમ્પ્લાન્ટ કરવાની યોજના બનાવી રહી છે. આ ઉપકરણ લકવાગ્રસ્ત દર્દીઓને મદદ કરશે.
