અમદાવાદના સાણંદમાં અકસ્માત સર્જાયો, 31તિં પહેલાં દારૂની રેલમછેલ
ખાસ-ખબર ન્યૂઝ અમદાવાદ
- Advertisement -
અમદાવાદના સાણંદના મુનિઆશ્રમ પાસેથી પસાર થઈ રહેલી દારૂ ભરેલી આઈસર પલટી જતાં રસ્તા પર દારૂની બોટલો પથરાઈ હતી. એના કારણે આસપાસ એકત્ર થયેલા કેટલાક લોકો દારૂની બોટલો લઈ ચાલતા થઈ ગયા હતા. ઘટનાની જાણ થતાં જ પોલીસ ઘટનાસ્થળ પર પહોંચી હતી અને ટોળાને વેરવિખેર કર્યું હતું. સ્થાનિકોની મદદથી દારૂનો જથ્થો જપ્ત કરી ડ્રાઈવરની શોધખોળ શરૂ કરવામાં આવી છે.
અમદાવાદ જિલ્લા સાણંદ પાસે આવેલા મુનિઆશ્રમ પાસે આઈસર એકાએક પલટી મારી ગઈ હતી, જેમાં દારૂની બોટલો ખીચોખીચ ભરી હતી. દારૂ ભરેલી ટ્રક પલટી મારતાંની સાથે લોકોનું ટોળું ભેગું થઈ ગયુ હતું. જ્યારે પોલીસની ટીમ પણ આવી પહોંચી હતી. ટ્રક-ડ્રાઈવર ફરાર છે ત્યારે આ દારૂનો જથ્થો કઈ જગ્યાએ જઈ રહ્યો હતો એ મામલે પોલીસે તપાસ શરૂ કરી છે. પોલીસે દારૂનો જથ્થાને એક ટેમ્પોમાં ભરીને નજીકના પોલીસ સ્ટેશન લઈ ગઈ હતી. દારૂનો જથ્થો ક્યાં જઈ રહ્યો હતો એ ડ્રાઈવરની ધરપકડ બાદ સામે આવશે.
ટ્રક પલટી ખાઈ જતાંની સાથે જ કેટલાક લોકોએ દારૂની બોટલો પણ ચોરીને જતા રહ્યા હતા. અમદાવાદ જિલ્લા પોલીસે ઘટનાની ગંભીરતા સમજીને તપાસ શરૂ કરી છે. પોલીસની ટીમ ગાડીનો પીછો કરી રહી હતી કે પછી ડ્રાઈવરને ઉતાવળ હોવાથી તે પૂરઝડપે વાહન ચાલવતો હતો એ હજુ સુધી સામે આવ્યુ નથી, પરંતુ જે રીતે ટ્રક પલટી મારી ગઈ છે એ જોતાં લાગી રહ્યું છે કે ડ્રાઈવર સ્પીડમાં હતો. આ પહેલાં પણ બોપલના વકીલ સાહેબ બ્રિજ પાસે થાર અને ફોર્ચ્યુનર કાર વચ્ચે અકસ્માત થયો હતો, જેમાં દારૂની હેરફેરનો ભાંડો ફૂટ્યો હતો. ફોર્ચ્યુનર કાર પૂરઝડપે દારૂ લઈને જઈ રહી હતી ત્યારે તેનો અકસ્માત થારના ચાલક સાથે થયો હતો. થારચાલક સહિત બેનાં મોત થયાં હતાં, જ્યારે ફોર્ચ્યુનરમાંથી દારૂનો મોટો જથ્થો મળ્યો હતો. અમદાવાદના હાઈવે દારૂની હેરફેર માટેના સિલ્ક રૂટ બની ગયા હોય એવું લાગી રહ્યું છે.
સ્થાનિકો દારૂ લઈ ગયા હશે તો કાર્યવાહી થશે: ઉુજઙ
ઉુજઙ પ્રકાશ પ્રજાપતિએ જણાવ્યું હતું કે કડીથી સાણંદ જતા રોડ પર દારૂ ભરેલી આઇસર ટ્રક બમ્પ આવતાં કૂદીને પડી હતી. અકસ્માત બાદ ડ્રાઈવર ફરાર થઈ ગયો છે. આ દારૂ ક્યાંથી આવતો હતો અને ક્યાં જવાનો હતો એ હજુ સુધી જાણી શકાયું નથી. આરોપીની ધરપકડ બાદ વધુ વિગત જાણવા મળશે. લોકલ લોકોએ દારૂ લૂંટ્યો હશે તો એ મામલે પણ કાર્યવાહી કરવામાં આવશે.
