ટોલ મેનેજર અને સિક્યુરિટી સંચાલક સામે ગંભીર આક્ષેપો, ઓડિયો ક્લિપ વાયરલ થવાને પગલે ઉઠ્યા અનેક સવાલ
સત્તા હેઠળ સુરક્ષાના નામે લૂંટની લાઈસન્સ ! : હપ્તાની હૂંફમાં ટોલ પ્લાઝા પર સરકારને કરોડોનો ચૂનો!
- Advertisement -
ખાસ-ખબર ન્યૂઝ ઉપલેટા
ઉપલેટા અને ધોરાજી વચ્ચે આવેલો ડુમિયાણી ટોલ પ્લાઝા ફરી એકવાર વિવાદમાં આવ્યું છે. ટોલ પ્લાઝાના મેનેજર અને સુરક્ષા એજન્સીના સંચાલક મયુર સોલંકી સામે અનેક ગંભીર આક્ષેપો થતા ચર્ચાનો જ્વાળામુખી ફાટી નીકળ્યો છે. મળતી વિગતો અનુસાર, પ્લાઝા પર સરકારના નિયમોનો ઢંઢેરો ઉડાવાતા હોવાના આક્ષેપો વચ્ચે હવે મયુર સોલંકીની એક ઓડિયો ક્લિપ પણ વાયરલ થઈ છે, જેના કારણે સમગ્ર મામલાની ગંભીરતા વધી છે.
ટોલ પ્લાઝા પર રિઝર્વ વાહનો સિવાય બીજા વાહનોને ટોલ ચૂકવ્યા વિના પ્રવેશ આપવાની કોઈ છૂટ નથી. છતાં, સ્થાનિક રીતે એવું સામે આવ્યું છે કે મયુર સોલંકી અને તેના મળતીયાઓ મોટા ટ્રક અને ખાનગી બસના માલિકો પાસેથી માસિક હપ્તો લઈ તેમને ટોલ ચૂકવ્યા વિના ફ્રીમાં પસાર થવા દે છે. આ રીતે દર મહિને ડુમિયાણી ટોલ પ્લાઝા પરથી સરકારને લાખો રૂપિયાનો ચૂનો લગાડવામાં આવી રહ્યો છે.
અહેવાલો મુજબ ટોલ પર નિયુક્ત થયેલા સુરક્ષા ગાર્ડના કોઈ પોલીસ વેરિફિકેશન થયા નથી. મોટાભાગના લોકો પૂર્વ ગુનાહિત ઈતિહાસ ધરાવતા હોવાનું ખુલ્યું છે. આવા તત્વોને સરકારી ટોલ પર સુરક્ષા આપવાનું કામ સોંપાયું છે કે ડર અને દબાણના સાધન તરીકે વાપરવાનું?
વાયરલ ઓડિયો ક્લિપ – કૌભાંડનો જીવંત પુરાવો
વાયરલ થયેલી ઓડિયો ક્લિપમાં મયુર સોલંકી નામનો શખ્સ ખુલ્લેઆમ ટ્રક માલિકોને કહી રહ્યો છે: …ઓલું ઉપરથી ઈઘ નો ઓર્ડર હશે ને, એટલે મેનેજરે છોકરાવને કીધું હશે કે બધી ગાડી રોકી દેજો… મેં છોકરાવ ને કહી દીધું છે કે ફોર્મલિટી પૂરતી રોકજો…આપણાં છોકરાવ કંઈ બોલશે નહીં… બેરિયર તોડી દેજો… હું ત્યાં સુધીમાં એક બે ધારાસભ્ય અને સાંસદના કોલ કરાવું છું…
- Advertisement -
જ્યાં બેરિયર તોડવો ‘ઓર્ડર’ બને છે – એ ટોળું સુરક્ષા કેમ કહેવાય?
ડુમિયાણી ટોલ નાકું જ્યાં ગુન્હેગાર
કરે ચોકીદારી – ટોળું રાખે દેખરેખ..!!
સરકારને ટોલ પર માસિક કરોડોનો ચૂનો: તંત્ર ચૂપ કેમ?
દરરોજ ટોલથી પસાર થતા મોટી વાહન વ્યવહારની સંખ્યાને જોતા, આ કૌભાંડ માત્ર હજાર કે લાખમાં નહીં પણ માસિક કરોડો રૂપિયાના ચૂનાના આકારમાં છે. છતાં, આજે સુધી ન તો કોઈ ઋઈંછ નોંધાઈ છે, ન તો કોઈ કોન્ટ્રાક્ટ રદ્દ થયો છે, ન તો કોઈ અધિકારીને સસ્પેન્ડ કરવામાં આવ્યો છે.
શું NHAIના ઉચ્ચ અધિકારીઓને સમગ્ર ગેરરીતિની જાણ નથી? કે પછી તેઓ પણ આ લૂંટના ભાગીદાર છે?
જ્યારે આખા મામલે ગઇંઅઈં ચુપ ચાપ બેઠું છે, ત્યારે આ શંકા ઊભી થાય છે કે તેઓ પણ આ કૌભાંડથી અજાણ નથી. જો જવાબદાર અધિકારીઓ કૌભાંડમાં સંડોવાયેલા નથી તો મયુર સોલંકી સામે આજદિન સુધી કાર્યવાહી કેમ નહીં થઈ? શું સરકારના પૈસા ચાવ કરી જવા માટે ટોલ મેનેજર અને સુરક્ષા એજન્સીનો કાવતરું રચાયું છે? ટોલ પરના ઈઈઝટ ફૂટેજ જો ખંગાળવામાં આવે તો વધુ કાળી ચાદર ઊઘરી શકે છે.
