બિન હથિયાર ધારી લોક રક્ષક બેચ 2023ની તાલીમ પૂર્ણ
તાલીમાર્થીમાં 18 એન્જીનીયર, 10 પોસ્ટ ગ્રેજયુએટ તેમજ 100 થી વધુ ગ્રેજયુએટ
- Advertisement -
ખાસ-ખબર સંવાદદાતા
રાજકોટ શહેર પોલીસ હેડ ક્વાર્ટર ખાતે તાલીમ લઈ બિન હથિયાર ધારી લોકરક્ષક બેચ 2023ની તાલીમ પૂર્ણ થતાં લોકરક્ષકોના દિક્ષાંત પરેડ સમારોહનું આયોજન કરવામાં આવ્યું હતું. જેમાં કુલ 166 પોલીસ કર્મીઓ ગુજરાત પોલીસદળમાં સેવા આપશે.પોલીસ કમિશ્નર રાજુ ભાર્ગવના અધ્યક્ષ સ્થાને યોજાયેલ આ કાર્યક્રમમાં પોલીસ જવાનોએ છેલ્લા 1 વર્ષમાં મેળવેલ તાલીમ તેમજ પરેડનું પરફોર્મન્સ ઉપસ્થિત અધિકારીઓ અને જનતા સમક્ષ કર્યું હતું. તમામ તાલીમાર્થીમાં 18 એન્જીનીયર, 10 પોસ્ટ ગ્રેજ્યુએટ તેમજ 100 થી વધુ ગ્રેજ્યુએટની ડિગ્રી ધરાવે છે. 1 થી 3 વિજેતા તાલીમાર્થીઓને રાજકોટ પોલીસ કમિશ્નર રાજુ ભાર્ગવ દ્વારા ટ્રોફી તેમજ સર્ટિફિકેટ આપી સન્માનિત કરવામાં આવ્યા હતા.
