ટી.એન.રાવ કોલેજમાં સાયબર સેફટી જાગૃતિ કાર્યક્રમ

જિલ્લા મહિલા અને બાળ અધિકારીની કચેરી, રાજકોટ દ્વારા ટી.એન.રાવ કોલેજમાં સાયબર સેફટી અંગે જાગૃતિ કાર્યક્રમ યોજાયો હતો. ભારત સરકારની મિશન શક્તિ યોજના હેઠળ કાર્યરત, સંકલ્પ ડિસ્ટ્રીકટ હબ ફોર એમ્પાવરમેન્ટ ઓફ વિમેન યોજનાના સ્ટાફ દ્વારા તા.2 સપ્ટેમ્બરથી તા.12 સપ્ટેમ્બર સુધી વિવિધ થીમ આધારિત જાગૃતિ કાર્યક્રમો યોજાઈ રહ્યાં છે. 120 થી વધુ વિદ્યાર્થીઓને સાયબર સેફટી અંગે જાગૃત કરાયા હતા. સંકલ્પ ડીસ્ટ્રીકટ હબ ફોર એમ્પાવરમેન્ટ ઓફ વિમેન યોજનાના સ્ટાફ તેમજ સાયબર પોલીસનાં પી.આઈ. કે.બી. વરિયાએ સાયબર અવેરનેસ બાબતે માહિતી આપી હતી.