કોરોના વેક્સિનેશન અભિયાન રાજકોટ શહેરમાં ૯૮% અને જિલ્લામાં ૯૦% લોકોને પ્રથમ ડોઝ અપાઈ ચુક્યો

અત્યાર સુધીમાં શહેર તેમજ જિલ્લામાં 33 લાખથી વધુ ડોઝ સાથે રસીકરણ કરાયું

રાજકોટ તા. ૧૪ ઓક્ટોબર – કોરોના સામે રસીકરણ અભિયાન હેઠળ રાજકોટ શહેરમાં ૯૮% ને તેમજ જિલ્લામાં ૯૦ % લોકોને પ્રથમ ડોઝ અપાઈ ચુક્યો છે. રાજકોટ શહેરમાં ૧૧,૨૩,૬૭૯ લોકોને પ્રથમ તેમજ ૬,૨૨,૭૨૦ લોકોને બીજો ડોઝ સાથે શહેરમાં કુલ ૧૭,૪૬,૩૯૯ ડોઝ રસીકરણ કરવામાં આવ્યું છે.

રાજકોટ જિલ્લામાં ૧૦,૬૨,૪૧૦ લોકોને પ્રથમ તેમજ ૫,૦૬,૯૭૮ લોકોને બીજો ડોઝ મળી કુલ ૧૫,૬૯,૩૮૮ ડોઝ જિલ્લામાં અપાઈ ચુક્યા છે. શહેરમાં ૫૫% અને જિલ્લામાં ૪૩% લોકોને બંને ડોઝ રસીના અપાઈ ચુક્યાનું અને અત્યાર સુધીમાં શહેર તેમજ જિલ્લામાં ૩૩,૧૫,૭૮૭ ડોઝ સાથે રસીકરણ કરાયું હોવાનુ વિભગીય નિયામકશ્રી રૂપાલીબેન મહેતાએ જણાવ્યું છે.