સોશિયલ મીડિયામાં હથિયાર સાથે ફોટો મૂકનાર પુત્ર, પિતા સામે ફરિયાદ

ખાસ-ખબર ન્યૂઝ સુરેન્દ્રનગર, તા.19
લીંબડી લીંબડી તાલુકાના જસમતપર ગામના પુત્રએ ચારેક વર્ષ પહેલાં પિતાના પરવાનાવાળા હથિયાર સાથે ફોટા પડાવી સોશિયલ મીડિયામાં મૂક્યા હતા. હથિયાર સાથે ફોટા પડાવી સોશિયલ મીડિયામાં મુકનાર પુત્ર અને પરવાનેદાર પિતાને પોલીસે ઝડપી પાડ્યા હતા. લીંબડી તાલુકાના જસમતપર ગામના સરફરાઝ મકરાણીએ ચારેક વર્ષ પહેલાં પિતા સિકંદર મકરાણીના પરવાનાવાળા હથિયાર સાથે ફોટા પડાવી સોશિયલ મીડિયા ઉપર ચડાવ્યા હતા. સોશિયલ મીડિયા ઉપર હથિયાર સાથે ફોટા ચડાવી સિનસપાટા કે ધાક જમાવવાની કોશિશ કરનારા સરફરાઝ મકરાણીની પોલીસે શોધખોળ હાથ ધરી હતી. પાણશીણા પીએસઆઈ પી.બી.જાડેજા, ભરતભાઈ ભરવાડને જાણ થઈ હતી કે ચારેક વર્ષ પહેલાં સોશિયલ મીડિયા ઉપર હથિયાર સાથે ફોટા મૂકનાર પુત્ર અને પરવાનેદાર પિતા બન્ને જસમતપર ગામમાં હાજર છે. પોલીસ ટીમે દરોડો સરફરાઝ મકરાણી, પરવાનેદાર સિકંદર મકરાણીને ઝડપી પાડ્યા હતા. પિતા-પુત્ર સામે ફરિયાદ નોંધી આગળની કાર્યવાહી હાથ ધરી હતી.