ધોરણ 10નું પરિણામ જાહેર: આ વર્ષે 82.56 ટકા પરિણામ નોંધાયું

ટોપ ગ્રેડમાં સુરતના 4870 બાદ રાજકોટ જિલ્લાના સૌથી વધુ 2791 તારલા : સૌરાષ્ટ્રનો દબદબો

એસએસસીના રીઝલ્ટમાં ગત વર્ષ કરતા 18%નો વધારો : એ-1 ગ્રેડમાં છાત્રો ચાર ગણા થઇ ગયા

વિદ્યાર્થીનીઓ આગળ : પ્રથમ ક્રમે અંગ્રેજી માધ્યમ, બીજા ક્રમે ગુજરાતી અને ત્રીજા ક્રમે હિન્દી માધ્યમ

100% પરિણામવાળી શાળા 272માંથી 1389 થઇ ગઇ : 30% કરતા નીચુ પરિણામ 264 સ્કુલનું

ગાંધીનગર જિલ્લાનું સૌથી વધુ 87.22% પરિણામ: પોરબંદર જિલ્લાનું સૌથી ઓછું 74.57% પરિણામ : A1 ગ્રેડ વિદ્યાર્થીઓની સંખ્યા ચાર ગણી વધી

માધ્યમિક શિક્ષણ બોર્ડના ચેરમેન બંછાનિધી પાનીએ કહ્યું કે, નવી શિક્ષણ નીતીના અમલીકરણ બાદ અત્યાર સુધીનું ધો.10નું સૌથી શ્રેષ્ઠ પરિણામ, ત્રણ વિષયમાં નાપાસ વિદ્યાર્થીઓ પુરક પરિક્ષા આપી શકશે

ગુજરાત માધ્યમિક તેમજ ઉચ્ચતર માધ્યમિક શિક્ષણ બોર્ડ દ્વારા ધો. 10 ની પરીક્ષાનું પરિણામ જાહેર કરી દેવાયું છે. આ વર્ષે ધોરણ 10 નું પરિણામ 82.56 ટકા નોંધાયું છે. રાજ્યમાં ધોરણ-10માં 100 ટકા પરિણામ ધરાવતા બે કેન્દ્રો છે. જેમાં અમદાવાદ ગ્રામ્યનું દાલોદ કેન્દ્ર પર 100 ટકા પરિણામ અને ભાવનગર જિલ્લાનું તલગાજરડા કેન્દ્ર 100 ટકા પરિણામ આવ્યું છે. સૌથી ઓછુ પરિણામ ધરાવતુ કેન્દ્ર ભાવનગરનું તડ કેન્દ્ર બન્યું છે. તડ કેન્દ્ર પર 41.13 ટકા પરિણામ નોંધાયું છે. માધ્યમિક શિક્ષણ બોર્ડના ચેરમેન બંછાનિધી પાનીનું પણ નિવેદન સામે આવ્યું છે. તેમણે કહ્યું કે, નવી શિક્ષણ નીતીના અમલીકરણ બાદ અત્યાર સુધીનું ધો.10નું સૌથી શ્રેષ્ઠ પરિણામ છે. આ સાથે ઉમેર્યું કે, ત્રણ વિષયમાં નાપાસ વિદ્યાર્થીઓ પુરક પરિક્ષા આપી શકશે.

રાજ્યમાં ધો. 10 ની પરીક્ષાનું પરિણામ જાહેર થયા બાદ સૌથી વધુ પરિણામ ધરાવતો જિલ્લો ગાંધીનગર બન્યો છે. વિગતો મુજબ ગાંધીનગર જિલ્લાનું પરિણામ 87.22 ટકા નોંધાયું છે. આ સાથે સૌથી ઓછુ પરિણામ ધરાવતો જિલ્લો પોરબંદર બન્યો છે. પોરબંદર જિલ્લાનું પરિણામ 74.57 ટકા આવ્યું છે. રાજ્યમાં 100 ટકા પરિણામ ધરાવતી શાળાઓની સંખ્યા 1389 તો ૩૦ ટકા કરતાં ઓછું પરિણામ ધરાવતી શાળાઓ 264 હોવાનું સામે આવ્યું છે.

ધોરણ-10ના પરિણામમાં વિદ્યાર્થીનીઓ અવ્વલ

રાજ્યમાં વિદ્યાર્થીનીઓનું પરિણામ 86.69 ટકા નોંધાયું છે. વિદ્યાર્થીઓનુ પરિણામ 79.12 ટકા નોંધાયું છે. જેમાં A1 ગ્રેડ ધરાવતા વિદ્યાર્થીઓ 23247, A2 ગ્રેડ ધરાવતા વિદ્યાર્થીઓ 78893, B1 ગ્રેડ ધરાવતા વિદ્યાર્થીઓ 118710, B2 ગ્રેડ ધરાવતા વિદ્યાર્થીઓ 143894, C1 ગ્રેડ ધરાવતા વિદ્યાર્થીઓ 134432, C2 ગ્રેડ ધરાવતા વિદ્યાર્થીઓ 72252 અને D ગ્રેડ ધરાવતા વિદ્યાર્થીઓ 6110 હોવાનુ સામે આવ્યું છે.

બોર્ડ રિઝલ્ટ A TO Z
-સૌથી વધુ પરિણામ ધરાવતું કેન્દ્ર – દાલોદ (જિ.અમદાવાદ ગ્રામ્ય) 100% અને તલગાજરડા (જિ. ભાવનગર) 100%
– સૌથી ઓછું પરિણામ – તડ (જિ. ભાવનગર) 41.13%
– સૌથી વધુ પરિણામ ધરાવતો જિલ્લો-ગાંધીનગર (87.22%)
– સૌથી ઓછું પરિણામ ધરાવતો જિલ્લો – પોરબંદર (74.57%)
– 100% પરિણામ ધરાવતી શાળાઓ – 1389
– 30% કરતાં ઓછું પરિણામ ધરાવતી શાળાઓ – 264
– 0% પરિણામ ધરાવતી શાળાઓ – 70
– એક વિષયમાં નિયમિત વિદ્યાર્થીઓની સંખ્યા – 21869
– બે વિષયમાં નિયમિત વિદ્યાર્થીઓની સંખ્યા – 32971
– ત્રણ વિષયમાં નિયમિત વિદ્યાર્થીઓની સંખ્યા – 21854
– નિયમિત પૈકી કુમારોનું પરિણામ – 79.12%
– પુનરાવર્તિત પૈકી કુમારોનું પરિણામ – 47.24%
– GSOS પૈકી કુમારોનું પરિણામ – 26.37%
– નિયમિત પૈકી ક્ધયાઓનું પરિણામ – 86.69%
– પુનરાવર્તિત પૈકી ક્ધયાઓનું પરિણામ – 52.63%
– GSOS પૈકી ક્ધયાઓનું પરિણામ – 36.19%
– અંગ્રેજી માધ્યમના પરીક્ષાર્થીઓના પરિણામ – 92.52%
– ગુજરાતી માધ્યમના પરીક્ષાર્થીઓના પરિણા- 81.17%