ખાસ-ખબર ન્યૂઝ રાજકોટ, તા.10
રાજકોટ જલારામ પ્લોટમાં રહેતાં અને રૂડા ટ્રાન્સપોર્ટનગરમાં ધ્યેય ઇન્ટીગ્રેટર નામે ટ્રાન્સપોર્ટ પેઢી ચલાવતાં સંજયભાઇ ફતેહલાલ પોરવાલ ઉ.51એ ચોરી અંગે એરપોર્ટ પોલીસમાં ફરિયાદ નોંધાવી છે ફરિયાદમાં સંજયભાઇએ જણાવ્યું હતું કે તા. 8ના રોજ રાત્રે આઠેક વાગ્યે અમદાવાદ અસ્લાલીથી અમારા ટ્રાન્સપોર્ટની ટ્રક જીજે08ઝેડ-9214ના ટ્રકના માલિક મનોજભાઇ દેવજીભાઇ રાઠોડ ટ્રકમાં અમદાવાદથી સિગારેટના બોક્સ અને પરચુરણ સામાન ભરી રાજકોટ આવવા નીકળ્યા હતાં.
- Advertisement -
તે રાત્રે દોઢેક વાગ્યે હીરાસર પહોંચી ગયા હતાં અને તેમના ઘર પાસે ખુલ્લામાં ટ્રક રાખી સુઇ ગયા હતાં બીજા દિવસે તા. 9ના સવારે જોતાં ટ્રક પાછળની તાલપત્રીના દોરડા તૂટેલા દેખાયા હતાં અને તાલપત્રી વેરવિખેર જોવા મળી હતી. તપાસ કરતાં કોઇ તાલપત્રી ઉંચકાવી સિગારેટના ચાર મોટા બોક્સ જેની એકની કિમત 45 હજાર હતી તે કુલ 1,80,000ના ચોરી ગયુ હતું ફરિયાદ અન્વયે એરપોર્ટ પીએસઆઇ એસ. ટી. મહેશ્વરીએ ગુનો નોંધી તપાસ હાથ ધરી છે.
